ଠକେଇ ମାମଲାରେ ଗିରଫ ହୋଇଥିବା ଅଭିଯୁକ୍ତକୁ ଜାମିନ୍ ଦେବା ପାଇଁ ସୈନିକ୍ େଓ୍ଵଲ୍ଫେୟାର ଫଣ୍ଡକୁ ଏକ ଲକ୍ଷ ଟଙ୍କା ଦେବାକୁ କହିଲେ ତେଲେଙ୍ଗାନା ହାଇକୋର୍ଟ
ହାଇଦ୍ରାବାଦ୍ : ପୁଲଓ୍ଵାମାରେ ହୋଇଥିବା ଆତଙ୍କବାଦୀ ଆକ୍ରମଣରେ ଦେଶର ୪୦ଜଣ ଯବାନ ସହିଦ୍ ହେବା ପରେ ଏବେ ସାରା ଦେଶ ପ୍ରତିଶୋଧର ନିଆଁରେ ଜଳୁଛି । ପାକିସ୍ତାନକୁ ମୂଳପୋଛ କରିବାର ଦାବି କରିବା ସହ ସହିଦ୍ ଯବାନଙ୍କ ପରିବାରକୁ ମଧ୍ୟ ଆର୍ଥିକ ସହାୟତା ଯୋଗାଉଛନ୍ତି ଲୋକେ । ବିଭିନ୍ନ ପ୍ରକାରର ସହାୟତା କୋଷର ସାହାଯ୍ୟରେ ଲୋକମାନେ ନିଜ ନିଜର ସହାୟତା ରାଶି ସହିଦ୍ ଯବାନଙ୍କ ପରିବାରକୁ ପଠାଉଛନ୍ତି । ଏ ମଧ୍ୟରେ ତେଲେଙ୍ଗାନା ହାଇକୋର୍ଟ ଜଣେ ଅଭିଯୁକ୍ତକୁ ଜାମିନ୍ ଦେବା ପାଇଁ ଯାହା କରିଛନ୍ତି ତାହାକୁ ନେଇ ଚର୍ଚ୍ଚା ଜୋର ଧରିଛି ।
Sambad is now on WhatsApp
Join and get latest news updates delivered to you via WhatsApp
ଗତ ଶୁକ୍ରବାର ଏକ କମ୍ପାନିର ମୁଖ୍ୟଙ୍କୁ ଜାମିନ୍ ଦେବାକୁ ଯାଇ ତାଙ୍କୁ ଏକ ଲକ୍ଷ ଟଙ୍କା ଦେବାକୁ କହିଥିଲେ ତେଲେଙ୍ଗାନା ହାଇକୋର୍ଟ । ଯଦି ତୁମେ ସୈନିକ୍ େଓ୍ଵଲ୍ଫେୟାର ଫଣ୍ଡକୁ ୧ଲକ୍ଷ ଟଙ୍କା ଦାନ କର, ତେବେ ତୁମର ଜାମିନ୍ ଆବେଦନକୁ ମଞ୍ଜୁରି ମିଳି ପାରିବ ବୋଲି ସର୍ତ୍ତ ରଖିଥିଲେ ତେଲେଙ୍ଗାନା ହାଇକୋର୍ଟ ।
ସୂଚନା ମୁତାବକ, ସନ୍ ପାଓ୍ଵାର ଗ୍ରୁପ୍ର ସିଇଓ ମେଠୁକୁ ରବିନ୍ଦର ଏବଂ ତାଙ୍କ ସହଯୋଗୀଙ୍କୁ ଠକେଇ ଅଭିଯୋଗରେ ଡିସେମ୍ବରରେ ଗିରଫ କରାଯାଇଥିଲା । ଶୁକ୍ରବାର ଏହି ମାମଲାକୁ ନେଇ ଶୁଣାଣି ଥିବା ବେଳେ ହାଇକୋର୍ଟ ମେଠୁକୁ ରବିନ୍ଦରଙ୍କ ଆଗରେ ସର୍ତ୍ତ ରଖିଥିଲେ, ଯଦି ତୁମେ ଜାମିନ୍ ଚାହୁଁଛ, ତେବେ ସୈନିକ୍ େଓ୍ଵଲ୍ଫେୟାର ଫଣ୍ଡକୁ ୧ଲକ୍ଷ ଟଙ୍କା ଦାନ କର ।