ପୁଅ ଲଣ୍ଡନରୁ ଫେରିଥିବା ସୂଚନା ଦେଇ ନ ଥିବାରୁ ତେଲେଙ୍ଗାନା ବରିଷ୍ଠ ପୁଲିସ ଅଧିକାରୀଙ୍କ ନାମରେ ମାମଲା ରୁଜୁ
ହାଇଦ୍ରାବାଦ: ପୁଅ ଲଣ୍ଡନରୁ ଫେରିଥିବା କଥା ସ୍ୱାସ୍ଥ୍ୟ ଅଧିକାରୀଙ୍କୁ ଅବଗତ ନ କରାଇ ବୁକ୍ ହୋଇଥିବା ତେଲେଙ୍ଗାନାର ଜଣେ ବରିଷ୍ଠ ପୁଲିସ ଅଧିକାରୀ କରୋନାଭାଇରସ ଦ୍ୱାରା ଆକ୍ରାନ୍ତ ହୋଇଥିବା ଜଣାପଡ଼ିଛି । ଲଣ୍ଡନରୁ ଫେରିବା ପରେ ତାଙ୍କ ପୁଅ କରୋନାଭାଇରସ ଆକ୍ରାନ୍ତ ହୋଇଥିବା କଥା ପରୀକ୍ଷାରୁ ଜଣାପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ଭଦ୍ରଦ୍ରି କୋଠାଗୁଡେମ ଜିଲ୍ଲାର ଡେପୁଟି ପୁଲିସ ସୁପରିଣ୍ଟେଣ୍ଡେଣ୍ଟ୍ ଥିବା ଉକ୍ତ ବ୍ୟକ୍ତିଙ୍କଠାରେ କରୋନାଭାଇରସ୍ ସଂକ୍ରମିତ ହୋଇଥିବା କଥା ମଙ୍ଗଳବାର ଦିନ ଜଣାପଡ଼ିଛି । ଡିଏସପିଙ୍କ ଛଡ଼ା ତାଙ୍କ ଘର ୩୩ ବର୍ଷୀୟ ପାଚିକା ମଧ୍ୟ କୋରୋନାଭାଇରସ ଆକ୍ରାନ୍ତ ହୋଇଥିବା ଜଣାପଡ଼ିଛି ।
କ୍ୱାରେଣ୍ଟିନ୍ ଉଲ୍ଲଂଘନ କରିଥିବାରୁ ଡିଏସପି ଏବଂ ତାଙ୍କ ପୁଅଙ୍କ ବିରୋଧରେ ମାମଲା ରୁଜୁ କରାଯାଇଛି । ପୁଲିସ କହିବା ଅନୁସାରେ, ବିଦେଶ ଫେରନ୍ତାଙ୍କ ସମ୍ବନ୍ଧରେ ସ୍ୱାସ୍ଥ୍ୟ କର୍ତ୍ତୃପକ୍ଷଙ୍କୁ ଜଣାଇବା ବାଧ୍ୟତାମୂଳକ ଥିବା ବେଳେ ଡିଏସପି ତାହା କରି ନ ଥିଲେ କି, ୧୪ଦିନିଆ କ୍ୱାରେଣ୍ଟିନରେ ନ ଥିଲେ ।
ବାପପୁଅ କେତେକ ସାମାଜିକ ଉତ୍ସବରେ ମଧ୍ୟ ଯୋଗ ଦେଇଥିଲେ । ପରେ ଅବଶ୍ୟ ସରକାରୀ ଅଧିକାରୀମାନେ ଦୁହିଁଙ୍କୁ କ୍ୱାରେଣ୍ଟିନରେ ରଖିଥିଲେ । ଏହାଛଡ଼ା ଡିଏସପିଙ୍କ ପତ୍ନୀ, ଅଫିସିଆଲ୍ ଡିୟୁଟିରେ ଥିବା କେତେକ ପୁଲିସ ହୋମ୍ ଗାର୍ଡ ଏବଂ ବନ୍ଧୁକଧାରୀଙ୍କୁ ମଧ୍ୟ କ୍ୱାରେଣ୍ଟିନରେ ରଖାଯାଇଛି ।
ଡିଏସପିଙ୍କୁ ଆଇପିସି ଧାରା ୧୮୮ରେ ବୁକ୍ କରାଯାଇଛି ।