ନୂଆଦିଲ୍ଲୀ: ଭାରତ-ପାକିସ୍ତାନ ବିବାଦ ଉପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ମନ୍ତବ୍ୟ ଦେଶର ରାଜନୀତିରେ ଉଷ୍ଣତା ବୃଦ୍ଧି କରିଛି। କଂଗ୍ରେସ ଏହି ପ୍ରସଙ୍ଗକୁ ସଂସଦରେ ଉଠାଇବାକୁ ପ୍ରସ୍ତୁତ ହୋଇଛି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଠାରୁ ସିଧାସଳଖ ଉତ୍ତର ଦାବି କରିଛି। କଂଗ୍ରେସ ଏହା ମଧ୍ୟ ସ୍ପଷ୍ଟ କରିଛି ଯେ, କୌଣସି ମନ୍ତ୍ରୀ କିମ୍ବା ମୁଖପାତ୍ରଙ୍କର ସ୍ପଷ୍ଟୀକରଣର ଆବଶ୍ୟକତା ନାହିଁ, କେବଳ ପ୍ରଧାନମନ୍ତ୍ରୀଙ୍କୁ ଏହାର ଉତ୍ତର ଦେବାକୁ ପଡିବ।

Advertisment

ଶୁକ୍ରବାର ଦିନ ହ୍ୱାଇଟ୍ ହାଉସରେ ରିପବ୍ଲିକାନ୍ ସାଂସଦଙ୍କ ସହ ରାତ୍ରୀଭୋଜନ ସମୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଦାବି କରିଥିଲେ ଯେ, ପହଲଗାମ୍ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବିବାଦ ସମୟରେ "ପାଞ୍ଚଟି ଯୁଦ୍ଧ ବିମାନକୁ ଗୁଳି କରି ଖସାଇ ଦିଆଯାଇଥିଲା"। ଯଦିଓ ସେ ଖସାଇ ଦିଆଯାଇଥିବା ବିମାନଗୁଡ଼ିକ ଭାରତର କି ପାକିସ୍ତାନର ତାହା ସ୍ପଷ୍ଟ କରି ନାହାନ୍ତି ତେବେ ତାଙ୍କର ଏହି ମନ୍ତବ୍ୟ ଭାରତୀୟ ରାଜନୀତିରେ ହଲଚଲ ସୃଷ୍ଟି କରିଛି। ବିରୋଧୀ ଦଳ ଏହାକୁ ନେଇ ସରକାରଙ୍କୁ କଡ଼ା ସମାଲୋଚନା କରୁଛନ୍ତି।

କଂଗ୍ରେସ ସାଂସଦ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଟ୍ରମ୍ପ୍‌ଙ୍କ ଭିଡିଓ ସେୟାର କରିଛନ୍ତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପଚାରିଛନ୍ତି, "ମୋଦୀ ଜୀ, ୫ଟି ଜାହାଜ ବିଷୟରେ ସତ୍ୟ କ'ଣ? ଦେଶର ଜାଣିବାର ଅଧିକାର ଅଛି।"

ପୂର୍ବରୁ ମଧ୍ୟ ରାହୁଲ ଗାନ୍ଧୀ ଏହି ପ୍ରସଙ୍ଗରେ ନରେନ୍ଦ୍ର ମୋଦୀ ସରକାର ଟ୍ରମ୍ପ୍‌ଙ୍କ ସମ୍ମୁଖରେ ଆତ୍ମସମର୍ପଣ କରିଥିବା ଅଭିଯୋଗ କରିଥିଲେ ଏବଂ ତାଙ୍କ ରାଲିଗୁଡ଼ିକରେ ସେ ନିରନ୍ତର ସମାଲୋଚନା କରି ସରକାରଙ୍କଠାରୁ ଉତ୍ତର ମାଗିଥିଲେ।

ଅଧିକ ପଢ଼ନ୍ତୁ:  ଟ୍ରମ୍ପ୍‌ଙ୍କୁ କ୍ଷମତାରୁ ହଟାଇବା ପାଇଁ ଓବାମା ଷଡ଼ଯନ୍ତ୍ର ରଚିଥିଲେ: ତୁଲସୀ ଗବାର୍ଡ

କଂଗ୍ରେସ ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କୁ ତିନୋଟି ଗୁରୁତ୍ୱପୂର୍ଣ୍ଣ ପ୍ରଶ୍ନ ପଚାରିଛି। ଟ୍ରମ୍ପ୍ କ’ଣ ପ୍ରକୃତରେ ଭାରତ-ପାକିସ୍ତାନ ଅସ୍ତ୍ରବିରତି ବନ୍ଦ କରିବାକୁ ଦାବି କରିଥିଲେ କି?  ସେ ୨୪ ଥର ଏନେଇ ଉଲ୍ଲେଖ କରିଛନ୍ତି। ଟ୍ରମ୍ପ୍ ବାଣିଜ୍ୟ କଟକଣା ଧମକ ଦେଇ ଯୁଦ୍ଧ ବନ୍ଦ କରିବାକୁ ଚାପ ପକାଇଥିଲେ କି? ଯଦି ଯୁଦ୍ଧରେ ପାଞ୍ଚଟି ଯୁଦ୍ଧ ବିମାନ ଖସିଥିଲା, ତେବେ ସେଗୁଡ଼ିକ କେଉଁ ଦେଶର ଥିଲା ବୋଲି କଂଗ୍ରେସ କେନ୍ଦ୍ର ସରକାରଙ୍କୁ ପ୍ରଶ୍ନ କରିଛି।

କଂଗ୍ରେସ ନେତା ଜୟରାମ ରମେଶ ସମଗ୍ର ପ୍ରସଙ୍ଗକୁ ଗମ୍ଭୀର ବୋଲି କହିଛନ୍ତି। ସେ କହିଛନ୍ତି, ସଂସଦର ମୌସୁମୀ ଅଧିବେଶନ ୨୧ ଜୁଲାଇରୁ ଆରମ୍ଭ ହେଉଛି। ମୌସୁମୀ ଅଧିବେଶନ ଏହି ପ୍ରସଙ୍ଗରେ ଏକ ବିଶେଷ ଆଲୋଚନା କରାଯିବ ଜରୁରୀ ବୋଲି ସେ କହିଛନ୍ତି। ଆମେ ସଂସଦରେ ପ୍ରଧାନମନ୍ତ୍ରୀଙ୍କଠାରୁ ଉତ୍ତର ଚାହୁଁଛୁ। ଅନ୍ୟ କୌଣସି ମନ୍ତ୍ରୀଙ୍କ ସ୍ପଷ୍ଟୀକରଣ ଚଳିବ ନାହିଁ। ଦେଶ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କଠାରୁ ଉତ୍ତର ଚାହୁଁଛି।

ଜୟରାମ ରମେଶ ପ୍ରଧାନମନ୍ତ୍ରୀ ମୋଦୀ ଏବଂ ଡୋନାଲ୍ଡ ଟ୍ରମ୍ପ୍‌ଙ୍କ ମଧ୍ୟରେ ଥିବା ସମ୍ପର୍କ ଉପରେ ମଧ୍ୟ ମତାମତ ଦେଇ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ଏବଂ ଟ୍ରମ୍ପ୍‌ଙ୍କ ମଧ୍ୟରେ ବନ୍ଧୁତା କାହାଠାରୁ ଲୁଚି ରହିନାହିଁ। ହାଉଡି ମୋଦୀ ହେଉ କିମ୍ବା ନମସ୍ତେ ଟ୍ରମ୍ପ୍‌, ଉଭୟ ନେତା ସାର୍ବଜନୀନ ମଞ୍ଚରେ ପରସ୍ପର ସହିତ ଠିଆ ହୋଇ ସେମାନଙ୍କର ସମ୍ପର୍କକୁ ପ୍ରଦର୍ଶନ କରିଛନ୍ତି।

କଂଗ୍ରେସ ସୂଚିତ କରିଛି ଯେ, ଯଦି ସରକାର ଏହି ପ୍ରସଙ୍ଗକୁ ଏଡାଇବାକୁ ଚେଷ୍ଟା କରନ୍ତି, ତେବେ ସଂସଦରେ ଏକ ବଡ଼ ହଟ୍ଟଗୋଳ ହୋଇପାରେ। ବିରୋଧୀ ଏହାକୁ ଜାତୀୟ ସୁରକ୍ଷା ଏବଂ ସ୍ୱଚ୍ଛତା ସହିତ ଜଡ଼ିତ ଏକ ପ୍ରସଙ୍ଗ ବୋଲି ବିବେଚନା କରୁଛନ୍ତି ଏବଂ ଭାରତର ଲୋକମାନଙ୍କୁ କାହିଁକି ସତ୍ୟ କୁହାଯାଉନାହିଁ ବୋଲି ପଚାରୁଛନ୍ତି।

ଅଧିକ ପଢ଼ନ୍ତୁ: ଏନଡିଏକୁ ଫେରିବେ କି ଉଦ୍ଧବ ? ପୁଣି ଦେଲେ ବଡ଼ ବୟାନ

 donald-trump | Rahul Gandhi | pm-narendra-modi | OperationSindoor | India | pakistan