ପୁଣି ଫେରିଲା ତାତି: ଅସହ୍ୟ ଗରମ-ଗୁଳୁଗୁଳିରେ ଆଉଟୁ ପାଉଟୁ ଦିଲ୍ଲୀବାସୀ

ନୂଆଦିଲ୍ଲୀ: ପୁଣି ଫେରିଲା ତାତି । ମୌସୁମୀ ବର୍ଷାର ଅନ୍ତରାଳେ ପୁଣି ନାଲି ଆଖି ଦେଖାଇଛି ଖରା । ପ୍ରବଳ ତାତି ଓ ଅସହ୍ୟ ଗରମ ଭିତରେ ଅଣନିଶ୍ବାସୀ ରାଜଧାନୀବାସୀ । ଦିନରେ ତ ଗରମ ରାତି ହେଲେ ଗୁଳୁଗୁଳିରେ ଆଉଟୁ ପାଉଟୁ ହେଉଛନ୍ତି ଲୋକେ ।

ତେବେ ଆଜି ତାପମାତ୍ରା ରେକର୍ଡ ଭାଙ୍ଗିଛି । ଜୁନ ମାସରେ ପ୍ରଥମ ଥର ପାଇଁ ୪୦ ଡିଗ୍ରୀ ଉପରେ ରହିଛି ତାପମାତ୍ରା । ଆୟା ନଗରରେ ସାର୍ବାଧିକ ୪୪.୧ ଡିଗ୍ରୀ , ଲୋଡି ରୋଡରେ ୪୨.୩ ଡିଗ୍ରୀ ଏବଂ ଅନ୍ୟାନ୍ୟ ସ୍ଥାନରେ ୪୦ରୁ ୪୨ ଡିଗ୍ରୀ ଭିତରେ ରହିଥିଲା ତାପମାତ୍ରା ।
 
ସେପଟେ ତାତି ନେଇ ଆଗାମୀ ୪ ଦିନ ପାଇଁ ଆଲର୍ଟ ଜାରି କରିଛି ପାଣିପାଗ ବିଭାଗ । ଦିନରେ ମୁଣ୍ଡଫଟା ଖରା ହେବାକୁ ଥିବା ବେଳେ ରାତିରେ ଅସହ୍ୟ ଗୁଳିଗୁଳି ହେବା ନେଇ ଅନୁମାନ କରାଯାଇଛି ।