ରାମ ମନ୍ଦିରକୁ ଉଡ଼ାଇବାକୁ ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦର ଧମକ, ବଢାଗଲା ସୁରକ୍ଷା
ଅଯୋଧ୍ୟା : ଗତ କିଛି ଦିନ ହେବ ଭାରତରେ ଲଗାତାର ଆତଙ୍କବାଦୀ ଆକ୍ରମଣ ଜାରି ରହିଛି। ଗତ କିଛି ଦିନ ମଧ୍ୟରେ ଭାରତର ଜମ୍ମୁ ଓ କଶ୍ମୀରର ୩ଟି ସ୍ଥାନରେ ଆତଙ୍କବାଦୀମାନେ ଆକ୍ରମଣ କରିଛନ୍ତି। ଏବେ ଅଯୋଧ୍ୟାର ରାମ ମନ୍ଦିର ମଧ୍ୟ ଆତଙ୍କବାଦୀଙ୍କ ଟାର୍ଗେଟରେ ଆସିଛି । ପାକିସ୍ତାନର ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦ ଅଡିଓ ଜାରି କରି ରାମ ମନ୍ଦିର ଉପରେ ଆକ୍ରମଣ ପାଇଁ ଚେତାବନୀ ଦେଇଛି। ସେପଟେ ଏହି ଆତଙ୍କବାଦୀ ଆକ୍ରମଣ ସମ୍ପର୍କରେ ସୂଚନା ମିଳିବା ପରେ ପୁଲିସ ପ୍ରଶାସନ ସତର୍କ ହୋଇପଡିଛି । ମନ୍ଦିର ପରିସରର ସୁରକ୍ଷା ବ୍ୟବସ୍ଥାକୁ ମଧ୍ୟ ବଢ଼ାଇ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଅଯୋଧ୍ୟାରେ ସୁରକ୍ଷାକୁ ଦୃଷ୍ଟିରେ ରଖି ଏଠାରେ ‘ନ୍ୟାସନାଲ ସିକ୍ୟୁରିଟି ଗାର୍ଡ’ (ଏନଏସଜି) ହବ୍ ନିର୍ମାଣ କରାଯାଉଛି। ଏହା ହେବ ଦେଶର ଷଷ୍ଠ ହବ୍ । ପୂର୍ବରୁ ଦେଶରେ ଚେନ୍ନାଇ, ହାଇଦ୍ରାବାଦ, ମୁମ୍ବାଇ ଓ ଅହମ୍ମଦାବାଦରେ ଏନଏସଜି ହବ୍ ରହିଛି। ଏବେ ଅଯୋଧ୍ୟାରେ ଏନଏସଜି ହବ୍ ମଧ୍ୟ ନିର୍ମାଣ କରାଯାଉଛି । ସୁରକ୍ଷାକୁ ଦୃଷ୍ଟିରେ ରଖି ଏହି ହବ୍ ପ୍ରସ୍ତୁତ କରାଯାଇଛି। ରାମ ମନ୍ଦିର ନିକଟରେ ମଧ୍ୟ ଏହି ହବ୍ ର ବେସ୍ ପ୍ରସ୍ତୁତ କରାଯାଉଛି। ଖୁବଶୀଘ୍ର ନୂଆ ଅପଡେଟ ସାମ୍ନାକୁ ଆସିବାକୁ ଯାଉଛି । ଏଠାରେ ଏନଏସଜି ହବ୍ ହେବା ପରେ ବ୍ଲାକ୍ କମାଣ୍ଡୋଙ୍କୁ ମଧ୍ୟ ମୁତୟନ କରାଯିବ।
ଏଠାରେ ଉଲ୍ଲେଖଯୋଗ୍ୟ ଯେ ଜୈଶ-ଏ-ମହମ୍ମଦ ପୂର୍ବରୁ ବି ଅଯୋଧ୍ୟାରେ ଆତଙ୍କବାଦୀ ଆକ୍ରମଣ କରିସାରିଛି । ୨୦୦୫ ମସିହା ଜୁଲାଇ ୫ରେ ଏହି ଆତଙ୍କବାଦୀ ସଂଗଠନ ଏକ ବାରୁଦ ଭର୍ତ୍ତି ଜିପ୍ ନେଇ ମନ୍ଦିର ଉପରେ ଆକ୍ରମଣ କରିଥିଲା।