ଟେରର୍ ଫଣ୍ଡିଙ୍ଗ୍: ହଫିଜ୍ ସଇଦ, ସୟେଦ୍ ସଲାହୁଦ୍ଦିନ ଏବଂ ଅନ୍ୟ ୧୦ ଜଣଙ୍କ ନାଁ’ରେ ଚାର୍ଜସିଟ୍ ଦାଖଲ କଲା ଏନ୍ଆଇଏ
ନୂଆଦିଲ୍ଲୀ: ଗୁରୁବାର ଦିନ ଏନ୍ ଆଇ ଏ ଲସ୍କର-ଇ-ତୈବାର ମୁଖ୍ୟ ହାଫିଜ୍ ସଇଦ୍ ଏବଂ ହିଜ୍ବୁଲ୍ ମୁଜାହିଦ୍ଦିନର ମୁଖ୍ୟ ସୟେଦ୍ ସଲାହୁଦ୍ଦିନଙ୍କ ସମେତ ଅନ୍ୟ ୧୨ ଜଣଙ୍କ ବିରୋଧରେ ଚାର୍ଜସିଟ୍ ଦାଖଲ କରିଛି। ସେମାନେ କଶ୍ମୀର ଉପତ୍ୟକାରେ ଆତଙ୍କବାଦୀ ଏବଂ ବିଚ୍ଛିନ୍ନତାବାଦୀ କାର୍ଯ୍ୟକଳାପ ପାଇଁ ପାଣ୍ଠି ଯୋଗାଇଥିବା କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ନେସ୍ନାଲ୍ ଇନ୍ଭେଷ୍ଟିଗେସନ୍ ଏଜେନ୍ସି (ଏନ୍ଆଇଏ) ଦିଲ୍ଲୀର ଏକ ଡେଜିଗ୍ନେଟେଡ୍ କୋର୍ଟରେ ୧, ୨୭୯ ପୃଷ୍ଠାର ଚାର୍ଜସିଟ୍ ଦାଖଲ କରି ତଦନ୍ତ ଚାଲୁ ରଖିବା ପାଇଁ ଅନୁମତି ମାଗିଛି।
ଏହି ମାମଲାରେ ସମ୍ପୃକ୍ତ ଥାଇ ଗିରଫ ହୋଇଥିବା ୧୦ ଜଣ ଲୋକଙ୍କର ଗୁରୁବାର ଦିନ ବିଚାର ବିଭାଗ ହାଜତ ରହଣି ଶେଷ ହେଉଥିଲା।
ଏନ୍ଆଇଏ ଅଧିକାରୀମାନେ କହନ୍ତି: ତଦନ୍ତ ସମୟରେ ସେମାନେ ବହୁ ଗୁରୁତ୍ୱପୂର୍ଣ୍ଣ ସାମଗ୍ରୀ ଏବଂ ବୈଷୟିକ ପ୍ରମାଣ ସଂଗ୍ରହ କରିଛନ୍ତି। ୬୦ଟି ସ୍ଥାନରେ ଚଢ଼ାଉ କରାଯାଇ ୯୫୦ଟି ଦଲିଲ୍ ଜବତ କରାଯାଇଛି। ଏହି ମାମଲାରେ ୩୦୦ ଜଣ ସାକ୍ଷୀ ଅଛନ୍ତି।