କଶ୍ମୀରର ଆତଙ୍କବାଦୀ ସ୍କୁଲ, ୧୩ ଛାତ୍ର ଆତଙ୍କବାଦୀ ସଂଗଠନରେ ଯୋଗ ଦେଇଛନ୍ତି
ଶ୍ରୀନଗର : କଶ୍ମୀରରେ ଥିବା ଏକ ‘ଆତଙ୍କି ସ୍କୁଲ’ର ସନ୍ଧାନ ପାଇଛି ସୁରକ୍ଷା ବାହିନୀ । ଏହାର ନାମ ହେଉଛି ଶିରାଜ ଉଲୁମ ଇମାମ ସାହିବ । ଏହି ଆତଙ୍କି ସ୍କୁଲରେ ସ୍ଥାନୀୟ ଯୁବକମାନଙ୍କୁ ଆତଙ୍କବାଦୀ ହେବାକୁ ମାନସିକ ଓ ଶାରୀରିକ ସ୍ତରରେ ପ୍ରସ୍ତୁତ କରାଯାଏ । ଏଠାରୁ ତାଲିମ ନେବା ପରେ ଯୁବକମାନେ ବିଭିନ୍ନ ପାକିସ୍ତାନ ଭିତ୍ତିକ ଆତଙ୍କବାଦୀ ସଂଗଠନରେ ଯୋଗ ଦେଇଥାନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ହୋଇଥିବା ପୁଲଓ୍ଵାମା ଆତଙ୍କବାଦୀ ଘଟଣା ସଜ୍ଜାଦ ଭଟ୍ଟ ଏହି ସ୍କୁଲର ଜଣେ ଛାତ୍ରଥିଲା ବୋଲି କଶ୍ମୀର ପୁଲିସ ଜାଣିପାରିଛି । ସଜ୍ଜାଦ ପରି ସ୍ଥାନୀୟ ଯୁବକମାନଙ୍କୁ କଠୋରପନ୍ଥୀ ଆତଙ୍କବାଦୀ ରୂପେ ଗଢି ତୋଳିବା ପଛରେ ଏହି ସ୍କୁଲର ହାତ ରହିଥିଲା । ପୁଲଓ୍ଵାମା ଘଟଣାର ତଦନ୍ତ ବେଳେ ଏନଆଇଏ ଏହି ସ୍କୁଲ ସମ୍ପର୍କରେ ଜାଣିପାରିଥିଲା । ଫଳରେ ଗତ କିଛି ମାସ ଧରି ଏହି ସ୍କୁଲ ଗୁଇନ୍ଦା ଓ ସୁରକ୍ଷା ବାହିନୀ ନଜରରେ ଥିଲା । କିଛିଦିନ ତଳେ କଶ୍ମୀର ପୁଲିସ ଏହି ସ୍କୁଲର ୩ ଜଣ ଶିକ୍ଷକଙ୍କୁ ଲୋକ ସୁରକ୍ଷା ଆଇନ (ପିଏସଏ) ବଳରେ ଗିରଫ କରିଥିଲା ।
ଏହି ସ୍କୁଲ ଆହୁରି ୫ରୁ ୬ ଜଣ ଶିକ୍ଷକଙ୍କ ଉପରେ ସୁରକ୍ଷା ବାହିନୀର କଡା ନଜର ରହିଛି । ଏହି ସ୍କୁଲର ପ୍ରାୟ ୧୩ ଜଣ ଛାତ୍ର ଜୈସ, ଲସ୍କର ପରି ଆତଙ୍କବାଦୀ ସଂଗଠନ ଗୁଡ଼ିକରେ ଯୋଗ ଦେଇଛନ୍ତି ବୋଲି ସୁରକ୍ଷା ବାହିନୀ ଜାଣିପାରିଛି ।