ଆମ ଜିହାଦୀଙ୍କ ମୃତ୍ୟୁର ପ୍ରତିଶୋଧ ନେବୁ, ଅମ୍ବାଲାରେ ଆତଙ୍କବାଦୀଙ୍କ ଧମକପୂର୍ଣ୍ଣ ଚିଠି

ନୂଆଦିଲ୍ଲୀ: ଜମ୍ମୁ-କଶ୍ମୀରରେ ନିକଟରେ ଘଟିଥିବା ୩ଟି ଆତଙ୍କବାଦୀ ଘଟଣା ପରେ ପୁଣି ଥରେ ଆତଙ୍କବାଦୀମାନେ ଦେଶରେ ଅନେକ ଆକ୍ରମଣ କରିବାକୁ ଧମକ ଦେଇଛନ୍ତି। ଅମ୍ବାଲା ରେଳ ଷ୍ଟେସନରେ ଆତଙ୍କବାଦୀ ଆକ୍ରମଣ ଧମକ ଦେଇ ଏକ ଚିଠି ଆସିଛି । ଆତଙ୍କବାଦୀଙ୍କ ଉପରେ ଆକ୍ରମଣ ଧମକ ଦେଇଥିବା ଚିଠିରେ ଜମ୍ମୁ-କଶ୍ମୀର, ପଞ୍ଜାବ, ହିମାଚଳ ପ୍ରଦେଶରେ ବଡ଼ ବଡ଼ ଆତଙ୍କବାଦୀ ଘଟଣା ଘଟାଇବାର ଉଲ୍ଲେଖ ରହିଛି।

ଏହି ଧମକପୂର୍ଣ୍ଣ ଚିଠି ଅନୁଯାୟୀ, ପଞ୍ଜାବର ସ୍ୱର୍ଣ୍ଣ ମନ୍ଦିର, ବୈଷ୍ଣୋ ଦେବୀ ମନ୍ଦିର ଏବଂ ଅମରନାଥ ଯାତ୍ରା ଆତଙ୍କବାଦୀଙ୍କ ଟାର୍ଗେଟରେ ରହିଛି। ଚିଠି ଅନୁଯାୟୀ ଜମ୍ମୁ-କଶ୍ମୀରର ଅନେକ ରେଳ ଷ୍ଟେସନ ମଧ୍ୟ ଆତଙ୍କବାଦୀଙ୍କ ଟାର୍ଗେଟରେ ରହିଛି। ଚିଠିରେ ଲେଖାଯାଇଛି ଯେ ‘ହେ ଇଶ୍ବର ! ମୋତେ କ୍ଷମା କରନ୍ତୁ… ଜମ୍ମୁ-କଶ୍ମୀରରେ ଆମର ଜେହାଦୀଙ୍କ ମୃତ୍ୟୁର ପ୍ରତିଶୋଧ ଆମେ ନିଶ୍ଚୟ ନେବୁ।

ଜୁନ୍ ୨୧ ରେ ଜମ୍ମୁର କଠୁଆ, ପଠାନକୋଟ, ବ୍ୟାସ, ଭଟିଣ୍ଡା ରେଳ ଷ୍ଟେସନରେ ବୋମା ମାଡ଼ ହେବ। ଜୁନ୍ ୨୩ ରେ ଆମେ କଟ୍ରା, ବୈଷ୍ଣୋ ଦେବୀ, ଶିବ ମନ୍ଦିର, ଅମରନାଥ ମନ୍ଦିର, ଶ୍ରୀନଗରର ଲାଲ ଛକ, ଅମୃତସରର ସୁବର୍ଣ୍ଣ ମନ୍ଦିର, ହିମାଚଳର ଅନେକ ମନ୍ଦିରରେ ବୋମା ମାଡ଼ କରିବୁ। ଏଥର ଜମ୍ମୁ-କଶ୍ମୀର ପଞ୍ଜାବକୁ ରକ୍ତରେ ରଙ୍ଗିତ କରିବ। ତେବେ ହିଁ ଇଶ୍ବର ମୋତେ କ୍ଷମା କରିବେ।“

 

 

ସମ୍ବନ୍ଧିତ ଖବର