ଦେଖନ୍ତୁ ଥାଇଲାଣ୍ଡ ଗୁମ୍ଫାରୁ ୧୨ ଫୁଟ୍ବଲ ଖେଳାଳିଙ୍କ ଉଦ୍ଧାର ସମୟର ଭିଡିଓ; ଘଟଣାକୁ ନେଇ ନିର୍ମାଣ ହେବ ହଲିଉଡ୍ ଫିଲ୍ମ
ଚିଆଙ୍ଗ ରାଇ: ଥାଇଲାଣ୍ଡର କାଳ ଗୁମ୍ଫାରେ ୧୮ଦିନ ଧରି ଫସି ରହିଥିବା ୧୨ଜଣ ବାଳକ ଫୁଟବଲ ଖେଳାଳି ଏବଂ ତାଙ୍କ କୋଚ୍ଙ୍କୁ ବଞ୍ଚାଇବା ପାଇଁ ଉଦ୍ଧାରକାରୀ ଦଳର କଠିନ ପରିଶ୍ରମ ପରେ ସେମାନଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା । ଫସି ରହିଥିବା ସମସ୍ତ ୧୩ଜଣଙ୍କୁ ସୁରକ୍ଷିତ ଉଦ୍ଧାର କରାଯିବା ପରେ ବିଶ୍ୱବାସୀ ଉଦ୍ଧାରକାରୀ ଦଳର କାର୍ଯ୍ୟକୁ ପ୍ରଶଂସା କରିଥିଲେ । ଏହି ଘଟଣାଟି ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଏବେ ଉଦ୍ଧାର କରାଯାଉଥିବା ସମୟର ଭିଡ଼ିଓ ସେୟାର କରିଛି ଥାଇ ନ୍ୟାଭି ସିଲ୍ । ଏହି ଭିଡ଼ିଓରେ ଉଦ୍ଧାରକାରୀ ଦଳକୁ ୧୨ଜଣ ଖେଳାଳି ଏବଂ ତାଙ୍କ କୋଚ୍ଙ୍କୁ ଉଦ୍ଧାର କରିବା ପାଇଁ କେତେ କଷ୍ଟ କରିବାକୁ ପଡ଼ିଥିବା ତାହା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ଧାରୀ ଗୁମ୍ଫାରେ ପାଣି ଭରି ରହିଥିବା ବେଳେ ଉଦ୍ଧରକାରୀଦଳ କେବଳ ଟର୍ଚ୍ଚ ଲାଇଟ୍କୁ ବ୍ୟବହାର କରି ଏହି ଉଦ୍ଧାରକାର୍ଯ୍ୟକୁ ସଫଳ କରିଥିଲେ । ଏବେ ଏହି ଘଟଣାକୁ ନେଇ ଏକ ହଲିଉଡ୍ ଫିଲ୍ମ ନିର୍ମାଣ ହେବ ବୋଲି ସୂଚନା ମିଳିଛି । ଦୁଇଟି ଷ୍ଟୁଡ଼ିଓ ଏ ନେଇ ଯୋଜନା ଆରମ୍ଭ କରିଥିବା ବେଳେ ଖୁବ୍ ଶୀଘ୍ର ଲୋକମାନେ ଏହି ସତ୍ୟ ଘଟଣାକୁ ପରଦା ଉପରେ ଦେଖି ପାରିବେ ବୋଲି ଜଣାପଡ଼ିଛି ।