ମୁମ୍ବାଇ ଏଟିଏସ୍ର ପ୍ରତିଷ୍ଠାତା ଅଫତାବ ଅହମଦ ଖାନ୍ଙ୍କର ପରଲୋକ
ମୁମ୍ବାଇ: ମୁମ୍ବାଇ ପୁଲିସରେ ତିନି ଦଶନ୍ଧି ତଳେ ଆତଙ୍କବାଦ-ନିରୋଧୀ ସ୍କ୍ବାଡ୍ (ଏଟିଏସ୍) ପ୍ରତିଷ୍ଠା କରିଥିବା ଅବସରପ୍ରାପ୍ତ ଆଇପିଏସ୍ ଅଫିସର ଅଫତାବ ଅହମଦ ଖାନ୍ଙ୍କର ଶୁକ୍ରବାର ୮୧ ବର୍ଷ ବୟସରେ ପରଲୋକ ଘଟିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ. ମୁମ୍ବାଇରେ ଅନେକ ଗ୍ୟାଙ୍ଗଷ୍ଟର ଓ ଆତଙ୍କବାଦୀ ବିରୋଧୀ ଲଢ଼େଇରେ ସାମିଲ ଥିବା ସ୍ବର୍ଗତ ଖାନ୍ଙ୍କର ଦୁଇ ପୁଅ ଓ ଗୋଟିଏ ଝିଅ ଅଛନ୍ତି। କିଛିଦିନ ତଳେ ସେ କୋଭିଡ୍-୧୯ରେ ସଂକ୍ରମିତ ହୋଇଥିଲେ। ଅନ୍ଧେରୀର ଏକ ଘରୋଇ ହସ୍ପିଟାଲରେ ଚିକିତ୍ସିତ ହୋଇ ଘରକୁ ଫେରିଥିଲେ। କିନ୍ତୁ ଶୁକ୍ରବାର ଅପରାହ୍ଣରେ ପୁଣି ଅସୁସ୍ଥ ହୋଇପଡ଼ିବାରୁ ତାଙ୍କୁ ହସ୍ପିଟାଲକୁ ନିଆଯାଇଥିଲା ଏବଂ ଡାକ୍ତର ତାଙ୍କର ମୃତ୍ୟୁ ଘୋଷଣା କରିଥିଲେ। ୧୯୬୩-ବ୍ୟାଚ୍ ଆଇପିଏସ୍ ଅଫିସର ଖାନ୍ ୧୯୯୫ରେ ପୁଲିସ ଆଇଜି ଥିବା ବେଳେ ମହାରାଷ୍ଟ୍ର ପୁଲିସରୁ ଇସ୍ତଫା ଦେଇଥିଲେ। ତାଙ୍କଦ୍ବାରା ୧୯୯୦ରେ ମୁମ୍ବାଇରେ ଏଟିଏସ୍ ଗଠନ କରାଯାଇଥିଲା।