ଆମେରିକାର ମହିଳା ଫୁଟବଲ ଖେଳାଳିଙ୍କୁ ପୁରୁଷ ଖେଳାଳିଙ୍କ ସହ ସମାନ ବେତନ ମିଳିବ
ଓ୍ଵାଶିଂଟନ: ୬ ବର୍ଷ ପରେ ଆମେରିକାର ଫୁଟବଲ ସଂଘ ଓ ମହିଳା ଖେଳାଳିମାନଙ୍କ ମଧ୍ୟରେ ବୁଝାମଣା ହୋଇଯାଇଛି। ବୁଝାମଣା ଅନୁସାରେ ଜାତୀୟ ଫେଡେରେସନ୍ ବାକି ୧.୭୯ କୋଟି ବି ଫେରାଇ ଦେବ ଯାହାଦ୍ଵାରା ବର୍ତ୍ତମାନ ଓ ପୂର୍ବତନ ଖେଳାଳିଙ୍କୁ ତାଙ୍କର ଅଂଶ ମିଳିପାରିବ। ଏହି ବୁଝାମଣା ଅନୁସାରେ ୨ ବର୍ଷ ପୂର୍ବରୁ ମହିଳା ଖେଳାଳିଙ୍କ ତରଫରୁ ଜାତୀୟ ସଙ୍ଘ ଉପରେ ଲଗାଯାଇଥିବା ଲିଙ୍ଗଭେଦର ଅଭିଯୋଗ ସହ ଅନ୍ୟ ଅଭିଯୋଗର ବି ସମାପ୍ତ ହେବ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ମହିଳା ବିଶ୍ଵକପ୍ ଫୁଟବଲ ବିଜେତା ଦଳର ଖେଳାଳି ପୁରୁଷ ଦଳ ସହ ସମାନ ବେତନ ଓ ସୁବିଧା ପାଇଁ ଅନେକ ଦିନରୁ ଦାବି କରିଆସୁଥିଲେ। ଆମେରିକୀୟ ମହିଳା ଦଳ ସବୁଠାରୁ ଅଧିକ ଥର ୪ ଥର ବିଶ୍ଵକପ୍ ଜିତିଛି। ଆମେରିକୀୟ ଫୁଟବଲ ସଂଘ ଏବେ ମହିଳା ଓ ପୁରୁଷ ଖେଳାଳିଙ୍କ ସହ ନୂତନ ଚୁକ୍ତି କରିବ ଓ ଦୁଇ ଦଳକୁ ବିଶ୍ଵକପ ସହ ଅନ୍ୟ ପ୍ରତିଯୋଗିତା ପାଇଁ ସମାନ ସୁବିଧା ଓ ବେତନ ଦେବ।
୨୦୧୯ ମହିଳା ବିଶ୍ଵକପ ବିଜେତା ଦଳର ଖେଳାଳିମାନେ ସମାନ ବେତନ ଓ ପୁରୁଷ ଦଳ ସହ ସମାନ ଯାତ୍ରା ଖର୍ଚ୍ଚ, ତାଙ୍କ ଭଳି ଗୃହ ଓ ସ୍ଵାସ୍ଥ୍ୟ ସୁବିଧା ପାଇଁ ୨୦୧୯ରେ କୋର୍ଟରେ ମାମଲା କରିଥିଲେ। ୨୦୨୦ର ଡିଷ୍ଟ୍ରିକ୍ଟ କୋର୍ଟ୍ ସମାନ ବେତନର ଦାବିକୁ ଖାରଜ କରି ଦେଇଥିଲେ ଓ ପୁରୁଷଙ୍କ ସହିତ ସମାନ ଯାତ୍ରା ଖର୍ଚ୍ଚ, ତାଙ୍କୁ ମିଳିବାକୁ ଥିବା ଗୃହ ସୁବିଧା ଓ ସ୍ଵାସ୍ଥ୍ୟ ସୁବିଧା ସମ୍ବନ୍ଧୀୟ ମାମଲାର ଶୁଣାଣିକୁ ମଞ୍ଜୁର କରିଥିଲେ।