ଚଣ୍ଡିଗଡ଼: ସୁପ୍ରିମକୋର୍ଟରେ ପଂଜାବ ସରକାରଙ୍କ ସତ୍ୟପାଠ ପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ନବଜ୍ୟୋତ ସିଂ ସିଦ୍ଧୁ । ସେମାନଙ୍କୁ ଭରଷା କରିଥିଲି, ମୋତେ ପଛରୁ ଛୁରୀ ମାରିଦେଲେ ।
Sambad is now on WhatsApp
Join and get latest news updates delivered to you via WhatsApp
ପଞ୍ଜାବ ସରକାରରେ ମନ୍ତ୍ରୀ ଥିବା ସିଦ୍ଧୁ ୩୦ ବର୍ଷ ତଳର ଏକ ଗାଡ଼ି ଚଢାଇ ହତ୍ୟା ମାମଲାରେ ଅଭିଯୁକ୍ତ ଅଛନ୍ତି । ଏହି ହତ୍ୟାମାମଲାରେ ସିଦ୍ଧୁଙ୍କ ସଂପୃକ୍ତି ଥିବା ପଞ୍ଜାବ ସରକାରଙ୍କ ଓକିଲ ଗତକାଲି ସୁପ୍ରିମ କୋର୍ଟରେ ସତ୍ୟପାଠ କରିଥିଲେ ।
୧୯୮୮ରେ ପାତିଆଲାରେ ଗୁରୁନାମ ସିଂ ନାମକ ବ୍ୟକ୍ତିଙ୍କ ସହିତ ବଚସା ହେବା ପରେ ସିଦ୍ଧୁ ରାଗିଯାଇ ତାଙ୍କୁ ଗାଡ଼ି ଚଢାଇ ଦେଇଥିଲେ । ଗୁରୁନାମଙ୍କ ମୁଣ୍ଡ ମାଡ ହେବାରୁ ସେ ମୃତ୍ୟୁବରଣ କରିଥିଲେ । ଏହି ମାମଲାରେ ବିଚାର କରି ପଂଜାବ ହରିୟାଣା ହାଇକୋର୍ଟ ସିଦ୍ଧୁଙ୍କୁ ୩ ବର୍ଷ ଜେଲଦଣ୍ଡ ଦେଇଥିଲେ । କିନ୍ତୁ ଏହା ବିରୋଧରେ ସିଦ୍ଧୁ ସୁପ୍ରିମକୋର୍ଟ ଯାଇ ସେଠାରୁ ଜାମିନ ପାଇଥିଲେ । ଗୁରୁନାମଙ୍କ ମୃତ୍ୟୁ ମୁଣ୍ଡ ମାଡ଼ ହେବା ଯୋଗୁଁ ନୁହେଁ ବରଂ ହୃଦଘାତରେ ହୋଇଥିବା ଦର୍ଶାଇ ତଳ କୋର୍ଟରେ ସେ ଛାଡ ପାଇଥିଲେ । କିନ୍ତୁ ପଂଜାବ ହରିୟାଣା ହାଇକୋର୍ଟ ମାମଲାରେ ବିଚାର କରି ତାଙ୍କୁ ୩ ବର୍ଷ ଦଣ୍ଡ ଶୁଣାଇଥିଲେ ।
ଗତକାଲି ସୁପ୍ରିମକୋର୍ଟରେ ପଂଜାବ ସରକାରଙ୍କ ଓକିଲ କହିଥିଲେ ଯେ ଗୁରୁନାମଙ୍କ ମୃତ୍ୟୁ ହୃଦଘାତରେ ହୋଇଥିବା କୌଣସି ପ୍ରମାଣ ନାହିଁ । ମୁଣ୍ଡ ମାଡ ହେବା ଯୋଗୁଁ ତାଙ୍କର ମୃତ୍ୟୁ ହୋଇଛି । ଏଣୁ ସିଦ୍ଧୁ ଏ ମାମଲାରେ ଦୋଷୀ, ସେ ଦଣ୍ଡ ପାଇବା ଦରକାର । ଏହା ଫଳରେ ସିଦ୍ଧୁ ଜେଲ ଯିବା ନିଶ୍ଚିତ ହୋଇଯାଇଛି ।
ସିଦ୍ଧୁ କହିଛନ୍ତି ଯେ ସେ ଗାଡି ଚଢାଇଦେଇଥିବା କଥା ସତ, କିନ୍ତୁ ଏହି କାରଣରୁ ସଂପୃକ୍ତ ବ୍ୟକ୍ତିର ମୃତ୍ୟୁ ହୋଇନାହିଁ । ସେ ହୃଦଘାତ ଯୋଗୁଁ ମରିଛି । ଏହା ମେଡିକାଲ ରିପୋର୍ଟରେ ମଧ୍ୟ ପ୍ରମାଣିତ ହୋଇଯଇଛି ।