ସି ଜିନପିଙ୍ଗ୍ଙ୍କ କରୋନା ନୀତିକୁ ଚୀନ୍ ଜନତାଙ୍କ ବିରୋଧ
ବେଜିଂ: ଚୀନ୍ରେ କରୋନାର ଅବସ୍ଥା ଅତ୍ୟନ୍ତ ଖରାପ। ଗୋଟିଏ ପରେ ଗୋଟିଏ ସହରରେ ଲକଡାଉନ୍ କରାଯାଉଛି। ଅଧିକାରୀମାନଙ୍କ ଦ୍ଵାରା ଶୂନ କୋଭିଡ୍ ନୀତି(ଜିରୋ କୋଭିଡ୍ ନୀତି)ର କଠୋର ନିୟମକୁ ବିରୋଧ କରି ଚୀନର ଜନତା ନିଜର ନିରାଶା ଓ ଅସନ୍ତୋଷ ବ୍ୟକ୍ତ କରିବା ପାଇଁ ସୋସିଆଲ ମିଡିଆର ସାହାଯ୍ୟ ନେଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଡିଆ ରିପୋର୍ଟ ଅନୁସାରେ ନେଟିଜେନ୍ସ(ନେଟ୍ ବ୍ୟବହାରକାରୀ) ଅଭିଯୋଗ କରୁଛନ୍ତି ଯେ, ସି ଜିନପିଙ୍ଗଙ୍କ ସରକାର ପୂର୍ଣ୍ଣ ଲକ୍-ଡାଉନ୍ ଲାଗୁ କରିବା ଓ ବାରମ୍ବାର କରୋନା ପରୀକ୍ଷା କରିବା ଯୋଗୁଁ ତାଙ୍କ ଆର୍ଥିକ କ୍ଷତି ହେଉଛି। ସରକାରଙ୍କୁ କଠୋର ନିୟମ ଲଗାଇବା ଉଚିତ ନୁହେଁ। ଚୀନରେ କୋଭିଡ୍-୧୯ ସ୍ଥିତି ବିଗୁଡୁଥିବାରୁ ୨୦ରୁ ଅଧିକ ରାଜ୍ୟ ଓ ସହରରେ ଲକଡାଉନ୍ ଲାଗୁ କରାଯାଇଛି। ଏହି ନୀତି ଜୀବନଜୀବିକାକୁ ପ୍ରଭାବିତ କରୁଥିବାରୁ ଏହାକୁ ବିରୋଧ କରାଯାଉଛି।
ଚୀନ୍ ମିଡିଆ ଅନୁସାରେ ଜିଲିନ୍ ଓ ସାଙ୍ଘାଇରେ ମହାମାରୀର ସ୍ଥିତି ବିଗିଡି ଯାଇଛି। ଏଥିପାଇଁ ଭାଇରସକୁ କାବୁ କରିବା ପାଇଁ କଠୋର ନିୟମ ଲାଗୁ କରାଯାଇଛି। ସାଙ୍ଘାଇରେ ଜିଲିନ୍ ଅପେକ୍ଷା ଅଧିକ ହଟ୍-ସ୍ପଟ୍ ଜୋନ୍ ଘୋଷଣା କରାଯାଇଛି।
ଚୀନ୍ ସରକାର ଭାଇରସ ପ୍ରତି କଠୋର ହୋଇ କଡା ଲକ୍-ଡାଉନ୍, ଅଧିକ ସଂଖ୍ୟାରେ ଟେଷ୍ଟ ଓ କ୍ଵାରାଣ୍ଟାଇନ ଉପରେ ନିର୍ଭର କରୁଛନ୍ତି। ରାଷ୍ଟ୍ରୀୟ ସ୍ଵାସ୍ଥ୍ୟ ଆୟୋଗ ଦ୍ଵାରା ନିଜ ନିୟନ୍ତ୍ରଣ ଉପାୟଗୁଡିକୁ ସହଜ ବନାଇବା ପାଇଁ ନୂଆ ଦିଶା ନିର୍ଦ୍ଦେଶ ଜାରି କରିବାର କିଛି ସମୟ ପରେ ଚୀନ ରାଷ୍ଟ୍ରପତି ସି ଜିନପିଙ୍ଗ କହିଥିଲେ ବେଜିଂ ନିଜର ଶୂନ-କୋଭିଡ୍ ନୀତି ଜାରି ରଖିବ।