ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂଙ୍କ ଅନ୍ତେଷ୍ଟି ଉପରେ ପ୍ରଶ୍ନ ଉଠାଇ କଂଗ୍ରେସ ନିଜ ଜାଲରେ ନିଜେ ଫସିଯିବା ଭଳି ଲାଗୁଛି । ପ୍ରଥମେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜିଙ୍କ ଝିଅ ଶର୍ମିଷ୍ଠା ମୁଖାର୍ଜି କଂଗ୍ରେସକୁ ଟାର୍ଗେଟ କରିବା ପରେ ଏବେ ପୂର୍ବତନ ପ୍ରଧାନମନ୍ତ୍ରୀ ପିଭି ନରସିଂହରାଓଙ୍କ ପରିବାର ଲୋକେ ବି କଂଗ୍ରେସକୁ କଡ଼ା ସମାଲୋଚନା କରିଛନ୍ତି ।

Advertisment

ପୂର୍ବତନ ପ୍ରଧାନମନ୍ତ୍ରୀ ପିଭି ନରସିଂହ ରାଓଙ୍କ ଭାଇ ମନୋହର ରାଓ କହିଛନ୍ତି ଯେ କଂଗ୍ରେସ ୨୦ ବର୍ଷ ପଛକୁ ଚାହିଁ ଦେଖିବା ଉଚିତ ଯେ ସେମାନେ ସେମାନଙ୍କ ନେତା ପିଭି ନରସିଂହ ରାଓଙ୍କୁ କେତେ ସମ୍ମାନ ଦେଇଥିଲେ। ଏପରିକି କଂଗ୍ରେସ ତାଙ୍କୁ ଦୁଇ ଗଜ ଜମି ଦେଇନଥିଲା କି ତାଙ୍କ ପାଇଁ ଗୋଟିଏ ବି ପ୍ରତିମୂର୍ତ୍ତି ନିର୍ମାଣ କରିନଥିଲା କି ତାଙ୍କୁ ଭାରତ ରତ୍ନ ମଧ୍ୟ ଦେଇନଥିଲା।

ଏପରିକି ସୋନିଆ ଗାନ୍ଧି ମଧ୍ୟ ତାଙ୍କ ଅନ୍ତିମ ସଂସ୍କାରରେ ଯୋଗ ଦେଇନଥିଲେ। ମନୋହର ରାଓ କହିଛନ୍ତି ଯେ ନରସିଂହ ରାଓଙ୍କ ପାଇଁ କଂଗ୍ରେସ ଦଳୀୟ କାର୍ଯ୍ୟାଳୟର ତାଲା ମଧ୍ୟ ଖୋଲିନଥିଲା। ମନମୋହନ ସିଂହଙ୍କ ସ୍ମାରକୀ ପାଇଁ ବିଜେପି ନିଶ୍ଚିତ ଭାବେ ଜମି ଦେବ। କିଛି ଔପଚାରିକତା ରହିଛି, ଯାହାକୁ କଂଗ୍ରେସକୁ ପୂରଣ କରିବାକୁ ପଡ଼ିବ। ସ୍ମାରକୀ ପାଇଁ ବିଜେପି ନିଶ୍ଚିତ ଭାବେ ଜମି ଦେବ। ନରସିଂହ ରାଓ ଓ ମନମୋହନ ସିଂହଙ୍କ ଯୋଡ଼ି ଗୁରୁ-ଶିଷ୍ୟଙ୍କ ଯୋଡ଼ି ବୋଲି ସେ କହିଛନ୍ତି।