ପ୍ରଥମ ଅମୃତ ସ୍ନାନ:  ଅପରାହ୍ଣ ୩ଟା ସୁଦ୍ଧା ବୁଡ଼ ପକେଇଲେ ଅଢେଇ କୋଟି

ପ୍ରୟାଗରାଜ : ମହାକୁମ୍ଭରେ ଆଜି ମକର ସଂକ୍ରାନ୍ତି ଉପଲକ୍ଷେ ଅନୁଷ୍ଠିତ ହେଉଛି ପ୍ରଥମ ଅମୃତ ବା ସାହି ସ୍ନାନ । ଅପରାହ୍ଣ ୩ଟା ସୁଦ୍ଧା ପ୍ରାୟ ଅଢେଇ କୋଟି ସାଧୁସନ୍ଥ ଓ ସନ୍ୟାସୀ ବୁଡ଼ ପକାଇଥିବା ଜଣାଯାଇଛି । ଏଥିପାଇଁ ପ୍ରଶାସନ ପକ୍ଷରୁ ବ୍ଯାପକ ଆୟୋଜନ କରାଯିବା ସହ କଡା ସୁରକ୍ଷା ବ୍ୟବସ୍ଥା କରାଯାଇଛି ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପରାମର୍ଶଦାତା ଅବନୀଶ କୁମାର ଅବସ୍ଥି ଏହା କହିଛନ୍ତି। 

ସେ କହିଛନ୍ତି, ୨୦୧୯ କୁମ୍ଭକୁ ପ୍ରଧାନମନ୍ତ୍ରୀ ମୋଦୀଙ୍କ ମାର୍ଗଦର୍ଶନରେ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଦ୍ୱାରା କରାଯାଇଥିବା ବ୍ୟବସ୍ଥା ଅନୁଯାୟୀ ୨୫ କୋଟିରୁ ଅଧିକ ଲୋକ ଏହାକୁ ସୁରୁଖୁରୁରେ ପରିଚାଳନା କରିଥିଲେ। ଗତକାଲି ପ୍ରାୟ ଦେଢ଼ କୋଟି ଲୋକ ମହାକୁମ୍ଭକୁ ଆସିଥିବା ବେଳେ ଆଜି ସୁଦ୍ଧା ମହାକୁମ୍ଭକୁ ୨.୫ କୋଟି ଲୋକ ଆସିଛନ୍ତି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରତି ଘଣ୍ଟାରେ ମହାକୁମ୍ଭ ଉପରେ ନଜର ରଖିଛନ୍ତି। ଏଥର ମହାକୁମ୍ଭକୁ ୫୦ କୋଟିରୁ ଅଧିକ ଲୋକ ଆସିବେ ବୋଲି ଆମେ ବିଶ୍ୱାସ କରୁଛୁ।