ପିତୃତ୍ବ ଦିବସ ବିଶେଷ: ଝିଅକୁ ଯକୃତ ଦେବା ସହ ପ୍ରତିରୋପଣ ପାଇଁ ଏଭଳି ୨୦ଲକ୍ଷ ତାଙ୍କ ଯୋଗାଡ଼ କଲେ ଦିନ ମଜୁରିଆ
ତିରୁବନନ୍ତପୁରମ: ଗତ ୩ମାସ ହେଲାଣି କରୋନା ମହାମାରୀର ପ୍ରଭାବ ଦେଶର ସବୁ ନାଗରିକଙ୍କ ଉପରେ ପଡିଛି | ସଂକ୍ରମଣକୁ ରୋକିବା ପାଇଁ ଲକ୍ଡାଉନ କାରଣରୁ କାମ ବନ୍ଦ ରହିଥିବା ବେଳେ ଟଙ୍କା ଆୟ କରିବା କଷ୍ଟକର ହୋଇପଡିଛି | ଏପରିସ୍ଥିତିରେ ବିଶେଷ କରି ଦିନ ମଜୁରିଆଙ୍କ ପାଇଁ ପରିବାର ଚଳାଇବା କଷ୍ଟକର ହୋଇପଡିଥିବା ବେଳେ ଜଣେ ଦିନ ମଜୁରିଆ ନିଜ ଝିଅକୁ ନୂଆ ଜୀବନ ଦେବା ପାଇଁ କରିଥିବା ସଂଘର୍ଷ ଚର୍ଚ୍ଚାର ବିଷୟ ପାଲଟିଛି | ନିଜ ଝିଅକୁ ବଞ୍ଚାଇବା ପାଇଁ ଥିରୁବନନ୍ତପୁରମର ନେୟାଟିନକାରାର ବାସିନ୍ଦା ଏସ ବାଇଜୁ କରିଥିବା ସଂଘର୍ଷ ସମସ୍ତଙ୍କ ଆଖିରେ ଲୁହ ଆଣି ଦେଇଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏସ ବାଇଜୁଙ୍କ ୮ବର୍ଷର ଝିଅ ଅବିନା ବାଇଜୁ ଗୁରୁତର ଯକୃତ (କିଡନି) ରୋଗରେ ଆକ୍ରାନ୍ତ ହୋଇଥିଲେ। ତାଙ୍କ ଜୀବନ ବଞ୍ଚାଇବା ପାଇଁ ତୁରନ୍ତ ଯକୃତ ପ୍ରତିରୋପଣ ଆବଶ୍ୟକ ବୋଲି ଡାକ୍ତରମାନେ ଏସ ବାଇଜୁଙ୍କୁ କହିଥିଲେ । ଏହା ସହ ପ୍ରତିରୋପଣ ପାଇଁ ୨୦ଲକ୍ଷ ଟଙ୍କା ଖର୍ଚ ହେବ ବୋଲି ଡାକ୍ତର ଜଣାଇବା ପରେ ଏସ ବାଇଜୁଙ୍କ ମୁଣ୍ଡ ଉପରେ ଚିନ୍ତାର ପାହାଡ ଲଦି ହୋଇପଡ଼ିଥିଲା | ମଜୁରି ଲାଗି କେଉଁଠୁ ସେ ଏତେ ଟଙ୍କା ଆଣିବେ, ଯକୃତ ଦେବା ପାଇଁ କାହାକୁ ରାଜି କରାଇବେ, ଏହି ଚିନ୍ତା ତାଙ୍କ ମୁଣ୍ଡରେ ଘୁରି ବୁଲିଥିଲା | ଠିକ ଏତିକି ବେଳେ ଡାକ୍ତର ତାଙ୍କୁ ଏକ ଖୁସି ଖବର ଦେଇଥିଲେ | ଏସ ବାଇଜୁ ନିଜ ଝିଅକୁ ନିଜର ଯକୃତ ଦାନ କରି ପାରିବେ ବୋଲି ଡାକ୍ତର ଜଣାଇବା ପରେ ଏସ ବାଇଜୁଙ୍କ ଅଧା ଦୁଃଖ ଦୂର ହୋଇଯାଇଥିଲା |
ଏସ ବାଇଜୁଙ୍କ କହିବା ମୁତାବକ, ମୁଁ ୨୦ଲକ୍ଷ ଟଙ୍କା ଯୋଗାଡକୁ ନେଇ ଚିନ୍ତିତ ଥିବା ସହ ସମସ୍ତ ଆଶା ହରାଇ ବସିଥିଲି | ଏହି ସମୟରେ ଡାକ୍ତରଖାନାର ଜଣେ କର୍ମଚାରୀ ମୋତେ ଏକ ପାଣ୍ଠି ଯୋଗାଣକାରୀ ପ୍ଲାଟଫର୍ମ ବିଷୟରେ କହିଥିଲେ | ବାସ୍ତବରେ, ମୁଁ ଏହା କେବେ ଶୁଣି ନ ଥିଲି | ଏହା ମୋ ପାଇଁ ଆଶାର ଆଲୋକ ନେଇ ଆସିଥିଲା | ସେହି ପାଣ୍ଠି ଯୋଗାଣକାରୀ ପ୍ଲାଟଫର୍ମ ଜରିଆରେ ମୋତେ କିଛି ଦିନ ମଧ୍ୟରେ ୧୧,୮୧,୩୨୫ ଲକ୍ଷ ଟଙ୍କା ମିଳିଯାଇଥିଲା | ଏହା ପରେ ମୋ ସମସ୍ୟା ବିଷୟରେ ଜାଣି ରାଜ୍ୟ ସାମାଜିକ ସୁରକ୍ଷା ମିଶନ ମୋତେ ୧୦ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଥିଲେ | ଏହା ପରେ ମୋ ଝିଅର ଯକୃତ ପ୍ରତିରୋପଣ କରାଯାଇଥିଲା | ସେ ୨୧ ଦିନ ଆଇସିୟୁରେ ରହିବା ସହ ମେ’ର ପ୍ରଥମ ସପ୍ତାହରେ ପ୍ରତିରୋପଣ କରାଯାଇଥିଲା | ପ୍ରତିରୋପଣ ସରିଥିଲେ ମଧ୍ୟ ଝିଅକୁ ଆଉ ତିନିମାସ ଡାକ୍ତରଖାନାରେ ରହିବାକୁ ପଡିବ।