ପାଣିପାଗ ବିଭାଗର ସୂଚନା: ଆହୁରି ତାତିବ ଭାରତର ସହର
ନୂଆଦିଲ୍ଲୀ: ଭାରତୀୟ ପାଣିପାଗ ବିଜ୍ଞାନ ବିଭାଗ କହିଛି ଯେ ଅତିପ୍ରବଳ ଗ୍ରୀଷ୍ମପ୍ରବାହ ଉତ୍ତରପଶ୍ଚିମ, କେନ୍ଦ୍ରୀୟ ଓ ଉପମହାଦେଶୀୟ ଭାରତରେ ଆଗାମୀ ଚାରି ପାଞ୍ଚ ଦିନ ପର୍ଯ୍ୟନ୍ତ ଲାଗି ରହିବ। ପାଣିପାଗ ବ୍ୟୁରୋ ନାରଙ୍ଗୀ ଚେତାବନୀ ଜାରି କରି କରିଛି ଯେ ଦିଲ୍ଲୀ, ପଞ୍ଜାବ, ହରିୟାଣା ଓ ଚଣ୍ଡିଗଡ଼ରେ ମେ ୨୪ରୁ ୨୭ ପର୍ଯ୍ୟନ୍ତ ପ୍ରବଳ ଗ୍ରୀଷ୍ମପ୍ରବାହ ଏବଂ ବିଦର୍ଭରେ ଗ୍ରୀଷ୍ମପ୍ରବାହ (ହିଟ୍ୱେଭ୍) ଜାରି ରହିବ। କୌଣସି ଗ୍ରୀଷ୍ମପ୍ରବାହ ଯଦି ୪ ଦିନରୁ ବେଶି ଅବା କୌଣସି ପ୍ରବଳ ଗ୍ରୀଷ୍ମପ୍ରବାହ ୨ ଦିନରୁ ବେଶି ଦିନ ପର୍ଯ୍ୟନ୍ତ ରହିଥାଏ, ସେଭଳି କ୍ଷେତ୍ରରେ ଏକ ନାରଙ୍ଗୀ ଚେତାବନୀ ଜାରି ହୋଇଥାଏ।
Sambad is now on WhatsApp
Join and get latest news updates delivered to you via WhatsApp
ଆଉ ଗ୍ରୀଷ୍ମପ୍ରବାହ ତାକୁ କହାଯାଇଥାଏ, ଯେତେବେଳେ ସର୍ବାଧିକ ତାପମାତ୍ରା ୪୦ ଡିଗ୍ରି ସେଣ୍ଟିଗ୍ରେଡ୍ ବା ସ୍ୱାଭାବିକ ତାପମାତ୍ରା ଠାରୁ ୪.୫ ଢିଗ୍ରୀ ବା ୬.୪ ଡିଗ୍ରି ମଧ୍ୟରେ ଅଧିକ ହୋଇଥାଏ କିମ୍ବା ସର୍ବାଧିକ ତାପମାତ୍ରା ଯେବେ ୪୫ ଡିଗ୍ରି ସେଣ୍ଟିଗ୍ରେଡ୍ରୁ ଉପରେ ଗୋଟିଏ ଉପଖଣ୍ଡର ଦୁଇଟି ସ୍ଥାନରେ ଲଗାତାର ଦୁଇ ଦିନ ପାଇଁ ରହିଥାଏ। ଏକ ପ୍ରବଳ ଗ୍ରୀଷ୍ମପ୍ରବାଦ ସେତେବେଳେ ଘୋଷିତ ହୋଇଥାଏ, ଯେତେବେଳେ ସର୍ବାଧିକ ତାପମାତ୍ରା ଅନ୍ୟୂନ ୪୦ ଡିଗ୍ରି ସେଣ୍ଟିଗ୍ରେଡ୍ ଏବଂ ସ୍ୱାଭାବିକ ଠାରୁ ୬.୪ ଡିଗ୍ରି ଅଧିକ ରହିଥାଏ କିମ୍ବା ସର୍ବୋଚ୍ଚ ତାପମାତ୍ରା ୪୭ ଡିଗ୍ରିରୁ ଅଧିକ ରହିଥାଏ। ଶନିବାର ଉତ୍ତପ୍ତତମ ସହରଗୁଡ଼ିକ ହେଉଛି: ଚୁରୁ ୪୬.୬, ଗଙ୍ଗାନଗର ୪୬.୬, ଝାନ୍ସୀ ୪୬.୧, ଆଗ୍ରା ୪୬, ଖୁଜୁରାହୋ ୪୬, ଅକୋଲା ୪୬, ନାଗପୁର ୪୬, ଗ୍ୱାଲିୟର ୪୫.୯, ପାଲାମ୍ ୪୫.୬, ଦିଲ୍ଲୀ (ସଫଦରଜଙ୍ଗ) ୪୪.୭, ବିଳାସପୁର ୪୪.୬, ରାୟପୁର ୪୪.୪, ମେଡକ ୪୪, ଭୋପାଳ ୪୩.୮, ଜୟପୁର ୪୩.୬, ହାଇଦ୍ରାବାଦ ୪୨.୮, ଚଣ୍ଡିଗଡ଼ ୪୧.୪ ଡିଗ୍ରି ରହିଛି।