ପୁଣି ବ୍ୟବହାର ଉପଯୋଗୀ ହୋଇପାରିବ ଏନ୍-୯୫ ମାସ୍କ, ଆଇଆଇଟି-ଦିଲ୍ଲୀ ବିକଶିତ କଲା ମେସିନ୍
ନୂଆଦିଲ୍ଲୀ: ଆଇଆଇଟି ଦିଲ୍ଲୀର ଷ୍ଟାର୍ଟ-ଅପ୍ ଚକ୍ର ଇନୋଭେସନ୍ ପକ୍ଷରୁ ଏନ୍-୯୫ ମାସ୍କକୁ କିପରି ପୁନଃ ବ୍ୟବହାର ଉପଯୋଗୀ କରା ଯାଇପାରିବ ସେଥିପାଇଁ ଏକ ଉପକରଣ ଡିଜାଇନ୍ କରିଛନ୍ତି । ଦାବି କରାଯାଉଛି ଯେ ଚକ୍ର ଡିକୋଭ୍ ନାମକ ଏହି ଯନ୍ତ୍ର ଏନ୍-୯୫ ମାସ୍କକୁ ୧୦ ଥର ପୁନଃ ବ୍ୟବହାର ଉପଯୋଗୀ କରିବାରେ ସକ୍ଷମ ଅଟେ । ସ୍ବାସ୍ଥ୍ୟ କର୍ମଚାରୀଙ୍କୁ କରୋନା ଭାଇରସ୍ ବିରୋଧରେ ଲଢିବା ପାଇଁ ଏନ୍-୯୫ ମାସ୍କ ଏକ ହତିଆର ଭଳି କାମ କରିଥାଏ । ଏହାକୁ ଦୃଷ୍ଟିରେ ଦେଖି ଆଇଆଇଟି-ଆର୍ଥିକ ସହଯୋଗରେ ଆଇଆଇଟି ଦିଲ୍ଲୀ-ଇନକ୍ୟୁବେଡ୍ କ୍ଲିଣ୍ଟେକ୍ ଷ୍ଟାର୍ଟଅପ୍ ଚକ୍ର ଇନୋଭେସନ୍ ଚକ୍ର ଡିକୋଭ ନାମକ ଏହି ଉପକରଣ ବିକଶିତ କରିଛି। ଚକ୍ର ଇନୋଭେସନ୍ ପକ୍ଷରୁ ଦାବି କରାଯାଉଛି ଯେ ଏହା ଦ୍ବାରା ଏନ୍-୯୫ ମାସ୍କକୁ ସୁରକ୍ଷିତ ରଖାଯିବା ସହିତ ପୁନର୍ବାର ବ୍ୟବହାର କରାଯାଇ ପାରିବ । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଅଶ୍ବିନୀ କୁମାର ଚୌବେ ଶୁକ୍ରବାର ଚକ୍ର ଡିକୋଭ୍ ଡିଭାଇସ୍କୁ ଉନ୍ମୋଚନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଏହି ମାସ୍କକୁ ବ୍ୟବହାର କରିବା ପରେ ବାହାରେ ଫୋପାଡିବା ଦ୍ବାରା ବର୍ଜ୍ୟବସ୍ତୁ ବଢିବା ସହ ଏହା ପରିବେଶ ପାଇଁ ବିପଦ ସୃଷ୍ଟି କରୁଥିଲା । ଏହି ସମସ୍ୟାର ସମାଧାନ ପାଇଁ ଯୋଜନା କରି ପ୍ରସ୍ତୁତ ହୋଇଥିବା ଚକ୍ର ଡିକୋଭ୍ ଡିଭାଇସ୍ ୯୦ ମିନିଟ୍ ଭିତରେ ଏନ୍-୯୫ ମାସ୍କକୁ ପୁନଃବ୍ୟବହାର ଉପଯୋଗୀ କରିପାରିବ ।