ଏଣିକି ୯ ଘଣ୍ଟା ବଦଳରେ ୮ ଘଣ୍ଟା କମ୍ପାନିରେ ଖଟିବେ କର୍ମଚାରୀ ! ଓଭରଟାଇମ କଲେ ମିଳିବ ଦୁଇଗୁଣ ପାଉଣା

ଫାକ୍ଟ୍ରିଜ୍ ଆକ୍ଟ ଅନୁଯାୟୀ, ବିଭିନ୍ନ କମ୍ପାନିମାନଙ୍କରେ କାମ କରୁଥିବା କର୍ମଚାରୀଙ୍କୁ ୯ ଘଣ୍ଟାରୁ ଅଧିକ ସମୟ କାମ କରାଉଥିଲେ ବି ସେମାନଙ୍କୁ ଓଭରଟାଇମ ଦିଅନ୍ତି ନାହିଁ । କାରଣ ସାଂପ୍ରତିକ ବ୍ୟବସ୍ଥା ଅନୁସାରେ, ଯଦି କୌଣସି କର୍ମଚାରୀ ତାର ଧାର୍ଯ୍ୟ ସମୟ ପରେ ୩୦ ମିନିଟ ବା ତା’ଠାରୁ କମ ସମୟ କାମ କରେ, ତେବେ ତାକୁ ଓଭରଟାଇମ ଧରା ଯିବନାହିଁ । ମାତ୍ର ଏହି ନୂଆ ଶ୍ରମ ଆଇନ ଅନୁସାରେ, ଏଣିକି ୧୫ ମିନିଟ୍ ରୁ ୩୦ ମିନିଟ୍ ସମୟକୁ ଅଧ ଘଣ୍ଟାର ଓଭରଟାଇମ ଭାବେ ଗ୍ରହଣ କରାଯିବ । ଅର୍ଥାତ୍ ଧାର୍ଯ୍ୟ କାର୍ଯ୍ୟ ଅବଧିଠାରୁ ଯଦି ଆପଣ ୧୫ ମିନିଟ୍  ବି ଅଧିକ ସମୟ ଅଫିସକୁ ଦିଅନ୍ତି ତେବେ ଆପଣଙ୍କୁ ୩୦ ମିନିଟର ଓଭରଟାଇମ୍ ମିଳିବ ।

ସମୟରେ ମିଳିବ କର୍ମଚାରୀଙ୍କୁ ଦରମା !

ନୂଆ ବେତନ ଆଇନ ୨୦୧୯କୁ ଅଗଷ୍ଟ ମାସରେ ସାଂସଦରେ ପାରିତ କରାଯାଇଥିଲା, ଯାହାକୁ ଚଳିତ ବର୍ଷ ଏପ୍ରିଲ ୧ ତାରିଖରୁ ଲାଗୁ କରିବାକୁ ଯୋଜନା କରାଯାଉଛି । ଏଥିରେ କର୍ମଚାରୀଙ୍କ ଦରମା, ବୋନସ ସଂକ୍ରାନ୍ତରେ ଚାରି ପ୍ରକାରର ନିୟମ ସ୍ଥିର କରାଯାଇଛି । ଯାହାକୁ  ପେମେଂଟ ଅଫ୍ ମଜୁରୀ ଆକ୍ଟ-୧୯୩୬, ସର୍ବନିମ୍ନ ମଜୁରୀ ଅଧିନିୟମ-୧୯୪୮, ପେମେଂଟ ଅଫ୍ ବୋନଓ ଆକ୍ଟ-୧୯୬୫ ଏବଂ ସମାନ ଦରମା ଆଇନ-୧୯୭୬ ରଖାଯାଇଛି । ତେବେ ଏହି ନୂଆ ବେତନ ଆଇନରେ କର୍ମଚାରୀଙ୍କୁ ସର୍ବନିମ୍ନ ମଜୁରୀ ସହ ସଠିକ୍ ସମୟରେ ଦରମା ପ୍ରଦାନ କରିବାକୁ ମଧ୍ୟ ଉଲ୍ଲେଖ ରହିଛି ।