ତୃତୀୟ ଲହର ନେଇ ସତର୍କ କଲେ ନିତି ଆୟୋଗ: ସେପ୍ଟେମ୍ବରରେ ୪-୫ ଲକ୍ଷ ଦୈନିକ ସଂକ୍ରମଣ
ନୂଆଦିଲ୍ଲୀ: ନିତି ଆୟୋଗ ସଦସ୍ୟ ଡାକ୍ତର ଭିକେ ପଲ୍ ଆଗାମୀ ତୃତୀୟ କୋଭିଡ୍ ଲହର ନେଇ ସତର୍କ କରିଛନ୍ତି। ତୃତୀୟ ଲହରରେ ୨୩ ପ୍ରତିଶତ ଆକ୍ରାନ୍ତଙ୍କୁ ହସ୍ପିଟାଲ୍ ଆଡମିସନ୍ ଦରକାର ପଡ଼ିପାରେ। କେନ୍ଦ୍ର ସରକାର ଏଥିପାଇଁ ୨ ଲକ୍ଷ ଆଇସିୟୁ ବେଡ୍ ପ୍ରସ୍ତୁତ କରିବାପାଇଁ ନିତି ଡାକ୍ତର ପଲ୍ କହିଛନ୍ତି। ସେପ୍ଟେମ୍ବରରେ ଦେଶର ଦୈନିକ ସଂକ୍ରମଣ ମାମଲା ୪-୫ ଲକ୍ଷ ରହିବ ବୋଲି ପଲ୍ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସରକାର ଅତି ଖରାପ୍ ସ୍ଥିତି ପାଇଁ ପ୍ରସ୍ତୁତ ରହିବାପାଇଁ ନିତି ଆୟୋଗ ପକ୍ଷରୁ କୁହାଯାଇଛି। ଦ୍ବିତୀୟ ଲହରରେ ହୋଇଥିବା ହସ୍ପିଟାଲ୍ ଆଡମିସନ୍କୁ ଦୃଷ୍ଟିରେ ରଖି ସରକାର ତୃତୀୟ ଲହର ପାଇଁ ୨ ଲକ୍ଷ ଆଇସିୟୁ ବେଡ୍ ପ୍ରସ୍ତୁତ ରଖିବାପାଇଁ ନିତି ଆୟୋଗ ପକ୍ଷରୁ କୁହାଯାଇଛି। ଆସନ୍ତା ସପ୍ତାହ ସୁଦ୍ଧା ସରକାର ୨ ଲକ୍ଷ ଆଇସିୟୁ ବେଡ୍, ୧.୨ ଲକ୍ଷ ଭେଣ୍ଟିଲେଟର ସହ ଆଇସିୟୁ ବେଡ୍, ୭ ଲକ୍ଷ ଅଣ ଆଇସିୟୁ ହସ୍ପିଟାଲ୍ ବେଡ୍ ଏବଂ ୧୦ ଲକ୍ଷ କୋଭିଡ୍ ଆଇସୋଲେସନ କେୟାର ବେଡ୍ ପ୍ରସ୍ତୁତ ରଖିବାପାଇଁ ନିତି ଆୟୋଗ ପକ୍ଷରୁ କୁହାଯାଇଛି।