ଜୁନ୍ ୧୯ରେ ଟ୍ରାଞ୍ଜିଟ୍ କରିଡରକୁ ଉତ୍ସର୍ଗ କରିବେ ପ୍ରଧାନମନ୍ତ୍ରୀ
ଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୯ ଜୁନ୍ ୨୦୨୨ ପୂର୍ବାହ୍ନ ୧୦.୩୦ ରେ ପ୍ରଗତି ମଇଦାନ ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପର ମୁଖ୍ୟ ଟନେଲ୍ ଏବଂ ପାଞ୍ଚଟି ଭୂତଳରାସ୍ତାକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ । ଏହି ଅବସରରେ ସେ ଏକ ସମାବେଶକୁ ମଧ୍ୟ ସମ୍ବୋଧିତ କରିବେ । ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପ ହେଉଛି ପ୍ରଗତି ମଇଦାନ ପୁନଃ ନିର୍ମାଣ ପ୍ରକଳ୍ପର ଏକ ଅଂଶବିଶେଷ। ପ୍ରଗତି ମଇଦାନ ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପ ୯୨୦ କୋଟି ଟଙ୍କାରୁ ଅଧିକ ମୂଲ୍ୟରେ ନିର୍ମାଣ କରାଯାଇଛି ଏବଂ ସମ୍ପୂର୍ଣ୍ଣ ଭାବେ କେନ୍ଦ୍ର ସରକାରଙ୍କ ଦ୍ୱାରା ଅନୁଦାନପ୍ରାପ୍ତ । ପ୍ରଗତି ମଇଦାନରେ ବିକଶିତ ହେଉଥିବା ନୂତନ ବିଶ୍ୱ ସ୍ତରୀୟ ପ୍ରଦର୍ଶନୀ ଏବଂ ସମ୍ମିଳନୀ କକ୍ଷକୁ ବାଧା ମୁକ୍ତ ଏବଂ ସହଜ ଆତଯାତ ପାଇଁ ଏହା ଲକ୍ଷ୍ୟ ରଖାଯାଇଛି, ଯାହା ଦ୍ୱାରା ପ୍ରଗତି ମଇଦାନରେ ଆୟୋଜିତ କାର୍ଯ୍ୟକ୍ରମରେ ପ୍ରଦର୍ଶକ ଏବଂ ପରିଦର୍ଶକଙ୍କ ଅଂଶଗ୍ରହଣ ସହଜ ହୋଇପାରିବ।
Sambad is now on WhatsApp
Join and get latest news updates delivered to you via WhatsApp
ଏହି ପ୍ରକଳ୍ପର ପ୍ରଭାବ ପ୍ରଗତି ମଇଦାନଠାରୁ ବହୁ ଆଗରେ ରହିବ କାରଣ ଏହା ସହଜ ଯାନବାହନ ଚଳାଚଳକୁ ନିଶ୍ଚିତ କରିବ। ଯାତ୍ରୀମାନଙ୍କ ସମୟ ଏବଂ ଶକ୍ତିକୁ ଏକ ବହୁଳ ଭାବେ ସଞ୍ଚୟ କରିବାରେ ସାହାଯ୍ୟ କରିବ । ସହରାଞ୍ଚଳର ଭିତ୍ତିଭୂମି ପରିବର୍ତ୍ତନ କରି ଲୋକଙ୍କ ସହଜ ଜୀବନଯାପନକୁ ସୁନିଶ୍ଚିତ କରିବା ସରକାରଙ୍କ ଦୃଷ୍ଟିଭଙ୍ଗୀର ଏକ ଅଂଶ। ମୁଖ୍ୟ ଟନେଲ୍ ରିଙ୍ଗ ରୋଡ୍ ସହିତ ପ୍ରଗତି ମଇଦାନ ଦେଇ ଯାଉଥିବା ପୁରାଣ କିଲା ରୋଡ୍ ଦେଇ ଇଣ୍ଡିଆ ଗେଟ୍ ସହିତ ସଂଯୋଗ କରୁଛି । ଛଅ ଲେନ୍ ବିଭାଜିତ ଟନେଲର ପ୍ରଗତି ମଇଦାନରେ ବିଶାଳ ଭୂତଳ ପାର୍କିଂକୁ ଅନ୍ତର୍ଭୁକ୍ତ କରିବା ସହିତ ଏକାଧିକ ଉଦ୍ଦେଶ୍ୟ ରହିଛି। ଏହି ଟନେଲ ସହିତ ଛଅଟି ଭୂତଳ ରାସ୍ତା ରହିବ। ଏଥିରୁ ମଥୁରା ରୋଡରେ ଚାରିଟି, ଭୈରୋଁ ମାର୍ଗରେ ଗୋଟିଏ ଏବଂ ରିଙ୍ଗ ରୋଡ୍ ଏବଂ ଭୈରୋଁ ମାର୍ଗ ଛକରେ ଗୋଟିଏ ରହିଛି ।