ପାଟନା : ସିବିଏସଇ ୧୦ମ ଶ୍ରେଣୀ ପରୀକ୍ଷାରେ ୯୯.୪ ପ୍ରତିଶତ ନମ୍ବର ଆଣିଥିବା ବିହାରର ଜଣେ ଝିଅର ସଂଘର୍ଷର କାହାଣୀ ସମସ୍ତଙ୍କ ଆଖିରେ ଲୁହ ଆଣିଦେଇଛି । ବିଜେପି ସାଂସଦ ବରୁଣ ଗାନ୍ଧି ଟୁଇଟ କରିବା ପରେ ଏହି ଝିଅର ସଂଘର୍ଷ ଓ ସଫଳତାର କାହାଣୀ ସୋସିଆଲ ମିଡିଆରେ ଭାଇରାଲ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଶ୍ରୀଜା ନାମକ ଏହି ଝିଅ ନିଜ ମାଙ୍କୁ ହରାଇବା ପରେ ତା’ର ବାପା ତାକୁ ପରିତ୍ୟାଗ କରିଦେଇଥିଲେ ଓ ଦ୍ବିତୀୟ ବିବାହ କରିଥିଲେ । ଶ୍ରୀଜାଙ୍କୁ ତାଙ୍କ ଆଈ ଲାଳନ ପାଳନ କରିଥିଲେ । ଆଈଙ୍କ ଘରେ ରହି ସେ ପାଟନାର ଏକ ଡିଏଭି ପବ୍ଲିକ ସ୍କୁଲରେ ପଢୁଥିଲେ । କଠିନ ପରିଶ୍ରମ କରି ସେ ସିବିଏସଇ ୧୦ମ ପରୀକ୍ଷାରେ ୯୯.୪ ପ୍ରତିଶତ ନମ୍ବର ହାସଲ କରି ସଫଳତା ହାସଲ କରିଛନ୍ତି ।
त्याग और समर्पण की अद्भुत दास्ताँ!
माँ का साया हटने पर पिता ने जिस बेटी का साथ छोड़ दिया उसने नाना-नानी के घर परिश्रम की पराकाष्ठा कर इतिहास रच दिया।
बिटिया का 10वी में 99.4% अंक लाना बताता है कि प्रतिभा अवसरों की मोहताज नहीं है।
मैं आपके किसी भी काम आ सकूँ, मेरा सौभाग्य होगा। pic.twitter.com/ufc3Gp4At9
— Varun Gandhi (@varungandhi80) July 24, 2022
ଶ୍ରୀଜା ଓ ତାଙ୍କ ଆଈଙ୍କ ସାକ୍ଷାତକାର ଥିବା ଏକ ଭିଡିଓ ବରୁଣ ଗାନ୍ଧି ଟୁଇଟରରେ ସେୟାର କରିଛନ୍ତି ।
ଶ୍ରୀଜାଙ୍କ ସଫଳତାରେ ପ୍ରତିକ୍ରିୟା ରଖି ତାଙ୍କ ଆଈ କହିଛନ୍ତି ଯେ, ଝିଅର ମୃତ୍ୟୁପରେ ତାଙ୍କ ଜ୍ବାଇଁ ( ଶ୍ରୀଜାର ବାପା) ନିଜ ଛୋଟ ଝିଅକୁ ଛାଡ଼ି ଚାଲିଯାଇଥିଲା । ସେଦିନଠାରେ ସେ ଆଉ ଫେରି ନାହିଁ । ସେ ଆଉ ଏକ ବିବାହ କରିଥିବା ଶୁଣିବାକୁ ମିଳୁଛି । କିନ୍ତୁ ନିଜର ଝିଅର ଏହି ସଫଳତାରେ ସେ ବୋଧହୁଏ ଏବେ ନିଜର ନିଷ୍ପତ୍ତି ପାଇଁ ପସ୍ତଉଥିବ ।