୪ ଗାଡ଼ିକୁ ଧକ୍କା ଦେଇ ହୋଟେଲକୁ ମାଡ଼ିଗଲା ଟ୍ରକ୍‌, ୧୫ ମୃତ

ମୁମ୍ବାଇ: ମହାରାଷ୍ଟ୍ରରେ ଆଉ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୫ ଜଣଙ୍କ ମୃତ୍ୟୁ ହୋଇଛି ଏବଂ ୨୦ ଜଣ ଆହତ ହୋଇଛନ୍ତି। ଧୁଲେ ଜିଲ୍ଲାରେ ଆଜି ଏକ ଟ୍ରକ୍‌ ନିୟନ୍ତ୍ରଣ ହରାଇ ଜାତୀୟ ରାଜପଥରେ ୪ଟି ଗାଡ଼ିକୁ ଧକ୍କା ଦେବାପରେ ରାସ୍ତା ପାର୍ଶ୍ବରେ ଥିବା ଏକ ହୋଟେଲ ଉପରକୁ ମାଡ଼ି ଯାଇଥିଲା। ଏହି ଭୟାନକ ଦୁର୍ଘଟଣାରେ ଘଟଣା ସ୍ଥଳରେ ହିଁ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ଆଉ ୫ ଜଣଙ୍କ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ମୁମ୍ବାଇ-ଆଗ୍ରା ରାଜପଥରେ ଆଜି ଏହି ଦୁର୍ଘଟଣା ଘଟିଛି। ଟ୍ରକ୍‌ ବ୍ରେକ୍‌ ଫେଲ୍‌ ହୋଇଯିବା ପରେ ଡ୍ରାଇଭର ଗାଡ଼ି ଉପରୁ ନିୟନ୍ତ୍ରଣ ହରାଇଥିଲେ। ପ୍ରଥମେ ଏହା ୪ଟି ଗାଡ଼ିକୁ ଧକ୍କା ଦେବାପରେ ବସ ଷ୍ଟପ୍‌ ନିକଟସ୍ଥ ଏକ ହୋଟେଲ ଉପରକୁ ମାଡ଼ି ଯାଇଥିଲା। ଟ୍ରକ୍‌ ଧକ୍କାରେ ୨ଟି କାର୍‌ ଚୂର୍‌ମାର ହୋଇଯାଇଛି ଏବଂ ମୋଟ ୫ ଜଣଙ୍କ ମୃତ୍ୟୁ ଘଟିଛି। ଟ୍ରକ୍‌ ହୋଟେଲ ଉପରକୁ ମାଡ଼ିଯିବାରୁ ସେଠାରେ ୧୦ ଜଣଙ୍କ ମୃତ୍ୟୁ ଘଟିଥିଲା।

ସମ୍ବନ୍ଧିତ ଖବର