ନୂଆଦିଲ୍ଲୀ: କାନାଡ଼ାର ବ୍ରାମ୍ପଟନ ସହରରେ ହିନ୍ଦୁମାନେ ଦିୱାଲି ମନାଉଥିବା ବେଳେ ଖଲିସ୍ତାନୀ ସମର୍ଥକମାନେ ସେମାନଙ୍କ ଉପରେ ଆକ୍ରମଣ କରିଥିଲେ। ଉଭୟ ଗୋଷ୍ଠୀ ମଧ୍ୟରେ ସଂଘର୍ଷର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଦେଖିବାକୁ ମିଳୁଛି, ହାତରେ ଖଲିସ୍ତାନୀ ପତାକା ଧରିଥିବା ଲୋକମାନେ ତଳୁ ଯାହା ପାଇଲେ ଉଠାଇ ଦୀପାବଳିପାଳୁଥିବା ହିନ୍ଦୁମାନଙ୍କ ଉପରକୁ ଫୋପାଡ଼ିଥିଲେ। ମାଲଟନର ୱେଷ୍ଟଉଡ୍ ମଲ୍‌ରେ ଏହି ଘଟଣା ଘଟିଥିଲା। ପରେ ପୁଲିସ ଆସି ହିନ୍ଦୁମାନଙ୍କୁ ପଛକୁ ହଟିଯିବା ପାଇଁ କହୁଥିବା ଦେଖିବାକୁ ମିଳିଥିଲା। ପିଲ ରିଜିଅନାଲ ପୁଲିସ ଏକ ଇମେଲ ବିବୃତିରେ ଘଟଣାର ତଦନ୍ତ ହେବ ବୋଲି ପ୍ରକାଶ କରିଛି।