ଚୀନ୍ରେ ସରକାରୀ ରେକର୍ଡରେ କୋଟିଏ ୨୦ ଲକ୍ଷ ଶିଶୁ ନାହାନ୍ତି
ନୂଆଦିଲ୍ଲୀ : ୨୦୦୦ରୁ ୨୦୧୦ ମଧ୍ୟରେ ଚୀନ୍ରେ ଜନ୍ମିତ ଶିଶୁଙ୍କ ସଂଖ୍ୟା ଠିକ୍ ଭାବେ ଗଣନା ହୋଇନି। ଏହି ସମୟ ମଧ୍ୟରେ ଚୀନ୍ରେ ଜନ୍ମିତ ୧୨ ନିୟୁତ ଶିଶୁ ସରକାରୀ ରେକର୍ଡରେ ନାହାନ୍ତି। ଉକ୍ତ ସଂଖ୍ୟା ବେଲଜିୟମର ଜନସଂଖ୍ୟା ସହ ସମାନ। ଚୀନ୍ର ଗୋଟିଏ ସନ୍ତାନ ନୀତି ପାଇଁ ଏହା ହୋଇଛି ବୋଲି କୁହାଯାଉଛି। ୨୦୧୦ ଜନଗଣନା ସମୟରେ ଏହା ଜଣାଯାଇଥିଲା ଯେ, ଚୀନ୍ରେ ୨୦୦୦ରୁ ୨୦୧୦ ମଧ୍ୟରେ ୧୬୦.୯ ନିୟୁତ ଶିଶୁ ଜନ୍ମ ହୋଇଛନ୍ତି। କିନ୍ତୁ ଚୀନ୍ ସରକାରଙ୍କ ଦ୍ବାରା ନିକଟରେ ଜାରି ହୋଇଥିବା ଏକ ବାର୍ଷିକ ପୁସ୍ତକ ପରିସଂଖ୍ୟାନ ପୁସ୍ତକରେ ଏହା କୁହାଯାଇଛି ଯେ, ଏହି ସମୟରେ ୧୭୨.୫ ନିୟୁତ ଶିଶୁ ଜନ୍ମ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗୋଟିଏ ସନ୍ତାନ ନୀତି ପାଇଁ କିଛି ବାପା ମା’ ଦଣ୍ଡ ପାଇବା ଭୟରେ ସେମାନଙ୍କ ଶିଶୁଙ୍କର ଜନ୍ମ ସମୟରେ ପଞ୍ଜିକରଣ କରାଇନାହାନ୍ତି। ତେଣୁ ସଂଖ୍ୟାରେ ଏତେ ବିଭେଦ ରହିଛି ବୋଲି କୁହାଯାଉଛି। କିନ୍ତୁ ୨୦୧୬ରେ ଚୀନ୍ ଦ୍ବିତୀୟ ସନ୍ତାନ ପାଇଁ ଅନୁମତି ଦେଲା। ପରେ ପଂଜିକୃତ ହୋଇଥିବା ସମସ୍ତ ଶିଶୁଙ୍କ ମଧ୍ୟରୁ ୫୭ ପ୍ରତିଶତ ଝିଅ। ଏହାର ଅର୍ଥ ହେଉଛି କିଛି ଅଭିଭାବକ ପୁଅ ଆଶାରେ ଝିଅ ଜନ୍ମ ହେବାପରେ ପଂଜୀକରଣ କରାଇନାହାନ୍ତି। ୨୦୧୦ ଜନଗଣନା ନଭେମ୍ବର ୧, ୨୦୧୦ରେ ହୋଇଥିଲା।