ଏହି ରାଫେଲ ବିମାନଟି ଆସନ୍ତା ୨୦ ତାରିଖରେ ଭାରତୀୟ ବାୟୁସେନାର ସାମିଲ ହେବ, ଫଟୋ ଜାରି କଲେ ଫ୍ରାନ୍ସର ଫଟୋଗ୍ରାଫର
ନୂଆଦିଲ୍ଲୀ : ଆସନ୍ତା ୨୦ ତାରିଖରେ ଭାରତୀୟ ବାୟୁସେନାରେ ଆନୁଷ୍ଠାନିକଭାବେ ସାମିଲ ହେବ ରାଫେଲ ବିମାନ । ଏଥିଲାଗି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ଓ ବାୟୁସେନା ମୁଖ୍ୟ ବିଏସ ଧାନୋଆ ଓ ବରିଷ୍ଠ ଅଧିକାରୀମାନେ ପ୍ୟାରିସ ଯିବେ । ତେବେ ଯେଉଁ ରାଫେଲ ବିମାନଟି ବାୟୁସେନାର ସାମିଲ ହେବ ଏବେ ତାହାର ପରୀକ୍ଷାମୂଳକ ଉଡାଣ ଆରମ୍ଭ ହୋଇଛି । ଏହି ବିମାନକୁ ଭାରତୀୟ ବାୟୁସେନାର ଅଫିସିଆଲ ରଙ୍ଗ କରାଯାଇଛି । ଏହାର କେତେକ ଫଟୋ ଉତ୍ତୋଳନ କରିଛନ୍ତି ଫ୍ରେଞ୍ଚ ଫଟୋଗ୍ରାଫର ସେଡରିକ ଗୁଏର ।
Sambad is now on WhatsApp
Join and get latest news updates delivered to you via WhatsApp
ମୋଦି ସରକାର ୨୦୧୬ରେ ୩୬ଟି ରାଫେଲ ବିମାନ ଯୋଗାଇବା ପାଇଁ ୫୯ ହଜାର କୋଟି ଟଙ୍କାର ଏକ ଚୁକ୍ତି କରିଥିଲେ । ଏହି ଚୁକ୍ତି ଫ୍ରାନ୍ସ ସରକାରଙ୍କ ସହ ହୋଇଥିଲା । ଆସନ୍ତା ୨ ବର୍ଷ ମଧ୍ୟରେ ଅବଶିଷ୍ଟ ୩୫ଟି ରାଫେଲ ବିମାନ ଭାରତରେ ପହଞ୍ଚିବ । ଗତ ବର୍ଷ ଡିସେମ୍ବର ମାସରେ ସରକାର ମୋଟ ରାଶିର ୨୫ ପ୍ରତିଶତ ପେମେଣ୍ଟ ଫ୍ରାନ୍ସ ସରକାରଙ୍କୁ ପ୍ରଦାନ କରିଥିଲେ । ଏହି ଚୁକ୍ତି ଭାରତ ଓ ଫ୍ରାନ୍ସ ସରକାରଙ୍କ ମଧ୍ୟରେ ହୋଇଥିବାରୁ ଭାରତ ସରକାର ଫ୍ରାନ୍ସ ସରକାରଙ୍କୁ ଅର୍ଥ ପ୍ରଦାନ କରିଛନ୍ତି । ଫ୍ରାନ୍ସ ସରକାର ଏହି ଅର୍ଥ ଡାସାଁ ଆଭିଏସନକୁ ପ୍ରଦାନ କରିବେ ।