ସୀମାରେ ବଢୁଛି ଦୁଇ ସେନାଙ୍କ ମଧ୍ୟରେ ଉତ୍ତେଜନା, ଭାରତୀୟ ସେନାଠାରୁ ମିଠା ନେଲାନାହିଁ ପାକିସ୍ତାନୀ ସେନା
ଶ୍ରୀନଗର: ସୀମାରେ ବଢ଼ିବାରେ ଲାଗିଛି ଉତ୍ତେଜନା | ସ୍ଥିତି ଏମିତି ହୋଇଛି ଯେ ଦୁଇ ସେନାଙ୍କ ମଧ୍ୟରେ କିଛି ସ୍ୱତନ୍ତ୍ର ଦିନ ପରସ୍ପରକୁ ଦିଆଯାଉଥିବା ମିଠା ବଣ୍ଟନ ମଧ୍ୟ ବନ୍ଦ ହୋଇଯାଇଛି | ଦୀପାବଳି ପୂର୍ବରୁ ଭାରତ ଓ ପାକିସ୍ତାନ ମଧ୍ୟରେ ମିଠା ବଣ୍ଟନ କରାଯାଇଥାଏ | ତେବେ ପାକିସ୍ତାନ ପକ୍ଷରୁ କରାଯାଇଥିବା ଅସ୍ତ୍ରବିରତି ଉଲ୍ଲଙ୍ଘନ ପରେ ଭାରତୀୟ ସେନା ମଧ୍ୟ ପାକିସ୍ତାନର କିଛି ପୋଷ୍ଟକୁ ଉଡାଇଦେଇଥିଲା | ଏହାକୁ ନେଇ ଦୁଇ ସେନା ଏଥର କାହାକୁ ମିଠା ଦେଇନାହାଁନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ପ୍ରୋଟୋକଲ ହିସାବରେ ପ୍ରତି ବର୍ଷ ଇସଲାମବାଦରେ ଥିବା ଭାରତୀୟ ହାଇ କମିଶନଙ୍କ ପକ୍ଷରୁ ଦୀପାବଳି ପାଇଁ ମିଠା ଦିଆଯାଇଥିଲା | ପ୍ରଥମେ ପାକିସ୍ତାନ ଆଇଏସଆଇ ପକ୍ଷରୁ ମିଠା ପ୍ୟାକେଟକୁ ଗ୍ରହଣ କରାଯାଇଥିଲେ ବି ପରେ ଫେରାଇଦିଆଯାଇଛି |
ଏଠାରେ ସୂଚନା ଥାଉ କି ଆଇଏସଆଇ ହେଉଛି ପାକିସ୍ତାନର ଗୁଇନ୍ଦା ଏଜେନ୍ସି ଓ ପାକିସ୍ତାନର ସତ୍ତା-ରଣନୀତିରେ ପ୍ରଭାବ ରଖିଥାଏ | ଜାମ୍ମୁ କାଶ୍ମୀରରେ ଧାରା ୩୭୦ ଉଛେଦ ପରେ ଦୁଇ ଦେଶ ମଧ୍ୟରେ ସ୍ଥିତି ବିଗିଡିଯାଇଛି | ପାକିସ୍ତାନ ବାରମ୍ବାର ଭାରତ ବିରୋଧୀ କାର୍ଯ୍ୟ କରିଆସୁଛି |