ହେ ଭଗବାନ.. ଆମର ଦୋଷ କ’ଣ.. କାହିଁକି ଆମ ଠାରୁ ତିନିଜଣ ସନ୍ତାନକୁ ଛଡ଼ାଇ ନେଲୁଣି

ଲକ୍ଷ୍ମୌ: ଉତ୍ତରପ୍ରଦେଶର ଲକ୍ଷ୍ମୌରେ ବସବାସ କରୁଥିବା ଦମ୍ପତିଙ୍କ ଦୁଃଖ କହିଲେ ନସରେ। ଏ ଦମ୍ପତି ହେଉଛନ୍ତି  ବିନୋଦ କୁମାର ଓ ତାଙ୍କ ସ୍ତ୍ରୀ ମଞ୍ଜୁ କୁମାର। ଉକ୍ତ ଦମ୍ପତି ନିକଟ‌ରେ ତାଙ୍କ ଝିଅକୁ ଏକ ସଡ଼କ ଦୁର୍ଘଟଣାରେ ହରାଇ ଦେଇଛନ୍ତି। ମୃତ ଝିଅଙ୍କ ନାମ ଜୟା ଶର୍ମା ଥିବା ଜଣାପଡ଼ିଛି।

ସୂଚନାଯୋଗ୍ୟ, ବିନୋଦ କୁମାର ଲକ୍ଷ୍ମୌର ଅମୀନାବାଦରେ କସମେଟିକ ବ୍ୟବସାୟ କରନ୍ତି। ଦମ୍ପତି ବିନୋଦ ଓ ମଞ୍ଜୁଙ୍କ ୫ଜଣ ସନ୍ତାନ । ସେମାନଙ୍କ ନାମ ପିଙ୍କି, ସୋନାଲି, ଅଭିଷେକ, ଜୟା ଓ ହର୍ଷିତ ଥିବା ଜଣାପଡ଼ିଛି।

ତେବେ ବିନୋଦ ଓ ମଞ୍ଜୁ ସେମାନଙ୍କର ୫ଜଣ ସନ୍ତାନକୁ ନେଇ ବେଶ ହସଖୁସିରେ ଦିନ କାଟୁଥିଲେ। କିନ୍ତୁ ହଠାତ ବିନୋଦଙ୍କ ପରିବାର ଉପରେ ଯେପରି କାହାର ନଜର ଲାଗି ଯାଇଛି ସେପରି ଅବସ୍ଥା ହୋଇଛି। ବିନୋଦ ଓ ମଞ୍ଜୁଙ୍କ ମୁଖରୁ ହସ ଲିଭି ଯାଇଛି। କାରଣ ତାଙ୍କ ଆଖି ସାମ୍ନାରେ ଜଣକ ପରେ ଜଣେ ଏପରି ଭାବେ ତିନିଜଣ ସନ୍ତାନଙ୍କ ମୃତ୍ୟୁ ହୋଇସାରିଲାଣି।

୨୦୧୪ ମସିହା ଏପ୍ରିଲ ୧୪ ତାରିଖରେ ବିନୋଦ ଓ ମଞ୍ଜୁଙ୍କ ବଡ଼ ଝିଅ ସୋନାଲିଙ୍କର ଏକ ଦୁର୍ଘଟଣାରେ ମୃତ୍ୟୁ ହୋଇଥିବା ବେଳେ ୨୦୨୨ ଅଗଷ୍ଟ ୨୨ ତାରିଖରେ ପୁଅ ଅଭିଷେକ ଏକ ସଡ଼କ ଦୁର୍ଘଟଣାର ଶିକାର ହୋଇଥିଲେ। ଫଳରେ ଘଟଣାସ୍ଥଳରେ ହିଁ ଅଭିଷେକଙ୍କ ପ୍ରାଣବାୟୁ ଉଡ଼ିଯାଇଥିଲା।

ଏତିକିରେ ଏହି ଦମ୍ପତିଙ୍କ ଦୁଃଖ ସରିଲା ନାହିଁ ‌ଯେ ନିକଟରେ ବିନୋଦଙ୍କ ଝିଅ ଜୟାଙ୍କ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଯାଇଛି। ଏହି ଦୁଃଖଦ ଖବର ପାଇବା ପରେ ବିନୋଦ ଓ ମଞ୍ଜୁ ସ୍ତବ୍ଧ ହୋଇଯାଇଛନ୍ତି।

ବାରମ୍ବାର ଭଗବାନଙ୍କୁ ପ୍ରଶ୍ନ କରୁଛନ୍ତି କି ହେ ଭଗବାନ... ଆମର କି ଭୁଲ ହୋଇଛି। ତୁ ଏ କି ପରୀକ୍ଷା ନେଉଛି। ଜଣକ ପରେ ଜଣେ ଏପରି ଭାବେ ତୁ ଆମ ଠାରୁ ୩ଜଣ ସନ୍ତାନଙ୍କୁ ଛଡ଼ାଇ ନେଇ ସାରିଲୁଣି। ଆଉ କେତେ ଦୁଃଖ ଦେବୁରେ। ଆମ ପା ବାପା-ମା’। ଜଣକ ପ‌ରେ ଜଣେ ଏପରି ଭାବେ ସନ୍ତାନକୁ ଆଖି ସାମ୍ନାରେ ହରାଇ ‌ପାଗଳପ୍ରାୟ ହୋଇଗଲୁଣୁ। ଏ ଦୁଃଖ ଆଉ ସମ୍ଭାଳି ହେଉ ନ‌ାହିଁ। ଛାତି ଫାଟିଗଲା ଭଳି ମନେ ହେଉଛି। ଆଉ ଆମ ବୁଢ଼ା-ବୁଢ଼ୀ ଦୁଇଟାକୁ କାହିଁକି ରଖୁଛି ଆମକୁ ବି ଯଥାଶୀଘ୍ର ନେଇଯାଆ।’