ଭାରତୀୟ ସେନାକୁ ବଡ଼ ସଫଳତା: ପୁଲୱାମାଠାରେ ନିହତ ହେଲେ ୩ ଆତଙ୍କବାଦୀ
ଜମ୍ମୁ: କିଛିଦିନ ହେବ ଜମ୍ମୁ-କଶ୍ମୀରର ବିଭିନ୍ନ ଅଞ୍ଚଳରେ ଆତଙ୍କାବାଦୀମାନେ ଆକ୍ରମଣ ଜାରି ରଖିଥିବା ବେଳେ ସୁରକ୍ଷାକର୍ମୀ ବି ଏହାର ମୁହଁତୋଡ ଜବାବ୍ ଦେବାରେ ଲାଗିଛନ୍ତି । ଏହି କ୍ରମରେ ଦକ୍ଷିଣ କଶ୍ମୀରର ପୁଲୱାମା ଜିଲ୍ଲାରେ ଆଜି ସୁରକ୍ଷାକର୍ମୀଙ୍କ ଗୁଳିରେ ୩ଜଣ ଆତଙ୍କବାଦୀ ନିହତ ହୋଇଛନ୍ତି । ମୃତ୍ୟୁବରଣ କରିଥିବା ସମସ୍ତ ଆତଙ୍କବାଦୀ ଜୈଶ ଆତଙ୍କବାଦୀ ଗୋଷ୍ଠୀର ବୋଲି ଜଣାପଡ଼ିଛି । କହିରଖୁ କି ଗତକାଲି ବି ଅବନ୍ତିପୁରାଠାରେ ସେନା ଗୁଳିରେ ହିଁଜବୁଲ ମୁଜାହିଦ୍ଦିନ ଆତଙ୍କବାଦୀ ଗୋଷ୍ଠୀର ୨ଜଣ ଆତଙ୍କାବାଦୀ ପ୍ରାଣ ହରାଇଥିଲେ ।
Sambad is now on WhatsApp
Join and get latest news updates delivered to you via WhatsApp
Three unidentified terrorists affiliated with proscribed terror outfit JeM killed. Search operation underway, further details awaited: Jammu a& Kashmir Police
— ANI (@ANI) August 21, 2021
ସୂଚନା ମୁତାବକ, ଭାରତୀୟ ସୁରକ୍ଷା ବିଭାଗକୁ ଗୁଇନ୍ଦା ସୂଚନା ମିଳିଥିଲା କି, କିଛି ଆତଙ୍କବାଦୀ ପୁଲୱାମା ଅବନ୍ତିପୋରାର ନାଗବେରିୟନ ଅଞ୍ଚଳରେ ଲୁଚି ରହିଛନ୍ତି । ସୂଚନା ଆଧାରରେ ସୁରକ୍ଷା ବଳ ପୁରା ଅଞ୍ଚଳକୁ ଘେରାଉ କରିଥିଲା । ଏହାପରେ ଆତଙ୍କବାଦୀମାନଙ୍କୁ ଆତ୍ମସମର୍ପଣ କରିବାକୁ କୁହାଯାଇଥିଲା । ମାତ୍ର ସେମାନେ ତାହା କରିବା ପରିବର୍ତ୍ତେ ଯବାନମାନଙ୍କ ଉପରକୁ ଗୁଳି ଚଳାଇଥିଲେ । ଉଭୟଙ୍କ ମଧ୍ୟରେ ଗୁଳି ବିନିମୟ ଭିତରେ ୩ ଜଣ ଆତଙ୍କବାଦୀ ମୃତ୍ୟୁବରଣ କରିଛନ୍ତି । ସୂଚନା ମୁତାବକ ଏବେ ବି ଯବାନମାନେ ସେଠାରେ ସର୍ଚ୍ଚ ଅପରେସନ ଜାରି ରଖିଛନ୍ତି ।