ଜମ୍ମୁ ଓ କଶ୍ମୀର: କୁଲଗାମ ଏନକାଉଣ୍ଟରରେ ୩ ଆତଙ୍କବାଦୀ ନିହତ
ଶ୍ରୀନଗର: ଶନିବାର ଦିନ ଜମ୍ମୁ ଓ କଶ୍ମୀରର କୁଲଗାମ ଜିଲ୍ଲାରେ ଏନକାଉଣ୍ଟରରେ ତିନି ଜଣ ଆତଙ୍କବାଦୀ ନିହତ ହୋଇଛନ୍ତି । ଭୋର୍ ପ୍ରାୟ ୫: ୪୫ ସମୟରେ କୁଲଗାମ ଜିଲ୍ଲା ଅନ୍ତର୍ଗତ ଦହ୍ମାଲ୍ ହାଞ୍ଜି ପୋରା ନିକଟ ବଟପୋରା ଗ୍ରାମରେ ଏହି ଏନକାଉଣ୍ଟରର ସୂତ୍ରପାତ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ସିଆରପିଏଫ୍, ୧୮ ବାଟାଲିୟନ, ଜେକେପିର ଏସଓଜି ଏବଂ ରାଷ୍ଟ୍ରୀୟ ରାଇଫଲର ଯବାନମାନେ ସମ୍ପୃକ୍ତ ଅଞ୍ଚଳରେ କର୍ଡନ୍ ଆଣ୍ଡ୍ ସର୍ଚ ଅଭିଯାନ ଚଳାଉଥିବା ବେଳେ ଆତଙ୍କବାଦୀମାନେ ବାହାରି ଗୁଳି ଚଳାଇଥିଲେ ।
ଅଳ୍ପ ସମୟ ଗୁଳି ବିନିମୟ ହେବା ପରେ ଘଟଣାସ୍ଥଳରେ ତିନିଜଣ ଆତଙ୍କବାଦୀ ନିହତ ହୋଇଥିଲେ ।
ନିକଟରେ ସେ ଆତଙ୍କବାଦୀମାନେ ତିନିଜଣ ସାଧାରଣ ନାଗରିକଙ୍କୁ ହତ୍ୟା କରିଥିଲେ ବୋଲି ଖବର ମିଳିଥିଲା ।
ଏଠାରେ ପ୍ରକାଶଯୋଗ୍ୟ କି, ଶୁକ୍ରବାର ଦିନ ନିରାପତ୍ତା ବଳ ଦୁଇଟି ପୃଥକ୍ ଅଭିଯାନରେ ହଣ୍ଡୱାରା ଏବଂ ସୋପୋର ଅଞ୍ଚଳରୁ ଲଶ୍କର-ଏ-ତୈବା ଅନୁବନ୍ଧିତ ଏକ ଆତଙ୍କବାଦୀ ସଂଗଠନର ୪ଜଣ ଆତଙ୍କବାଦୀ ଓ ୫ ଓଭରଗ୍ରାଉଣ୍ଡ୍ କର୍ମୀଙ୍କୁ ଗିରଫ କରିଥିଲେ ।