ଭାରତରେ ଧର୍ମୀୟ ସ୍ୱାଧୀନତା ହ୍ରାସ ପାଉଥିବା ଖବର ସତ୍ୟ ନୁହେଁ, ଆମେରିକୀୟ ସରକାରଙ୍କ ରିପୋର୍ଟକୁ ଜାତିସଂଘ ପଦାଧିକାରୀଙ୍କ ଖଣ୍ଡନ
ନୂଆଦିଲ୍ଲୀ : ଧର୍ମୀୟ ସ୍ୱାଧୀନତା ମାମଲାରେ ଆମେରିକୀୟ ସରକାରଙ୍କ ରିପୋର୍ଟକୁ ନେଇ ବିବାଦ ଅବ୍ୟାହତ ରହିଛି । ଭାରତ ସରକାର ଏହାକୁ କଠୋର ଭଷାରେ ନିନ୍ଦା କରିଥିବାବେଳେ ଜାତିସଂଘର ଜଣେ ବରିଷ୍ଠ ଅଧିକାରୀ ମଧ୍ୟ ଏହା ସତ୍ୟ ନୁହେଁ ବୋଲି କହିଛନ୍ତି । ଏହି ଅଧିକାରୀ ହେଉଛନ୍ତି ଜାତିସଂଘର ଅନ୍ତର୍ଜାତୀୟ ଧର୍ମୀୟ ସ୍ୱାଧୀନତା କମିଶନର ମୁଖ୍ୟ ଡଃ ତେନଜିଂ ଦୋରଜୀ ।
Sambad is now on WhatsApp
Join and get latest news updates delivered to you via WhatsApp
ଆମେରିକା ସରକାରଙ୍କ ଉପରୋକ୍ତ ରିପୋର୍ଟ ଉପରେ ସେ ଏକ କଡା ଜବାବ ଦେଇ ସେ ଲେଖିଛନ୍ତି ଯେ ଭାରତରେ ଧାର୍ମୀୟ ସ୍ୱାଧୀନତା ହ୍ରାସ ପାଉଥିବା ଖବର ସତ୍ୟ ନୁହେଁ । ସେ କହିଛନ୍ତି ଯେ ଭାରତ ଏକ ମୁକ୍ତ ସମାଜ ଓ ଏଠାରେ ସବୁ ଧର୍ମର ଲୋକେ ବସବାସ କରିବାର ସମାନ ଅଧିକାର ରହିଛି । ଏଠାରେ ଏକ ଗତିଶୀଳ ଗଣତନ୍ତ୍ର ରହିଛି ଓ ଏକ ମୁକ୍ତ ନ୍ୟାୟବ୍ୟବସ୍ଥା ରହିଛି । ଜଣେ ତିବ୍ଦତୀୟ ଶରଣାର୍ଥୀ ଭାବେ ଗତ ୩୦ ବର୍ଷ ହେଲା ଭାରତରେ ରହିବାର ଅଭିଜ୍ଞତା ବଖାଣି ସେ ଭାରତର ବହୁମତବାଦ ବିଶିଷ୍ଟ ସମାଜର ପ୍ରସଂଶା କରିଛନ୍ତି । ଚୀନରେ ତିବ୍ଦତୀୟ ଧର୍ମକୁ ବଳପୂର୍ବକ ଦମନ କରାଯାଉଥିବାବେଳେ ଭାରତରେ ଏହା ପ୍ରସାର ଲାଭ କରିଛି ବୋଲି ସେ କହିଛନ୍ତି ।