ଜନସଂଖ୍ୟା ବଢାଇବାକୁ କାହିଁକି କହିଲେ ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନ୍ ?

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଏପରି ଏକ ପରାମର୍ଶ ଦେଇଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ସେ କହିଛନ୍ତି ବର୍ତ୍ତମାନ ଲୋକଙ୍କ ପାଇଁ ୧୬ ଟି ସନ୍ତାନ ଜନ୍ମ କରିବାର ସମୟ ଆସିଛି । ଚେନ୍ନାଇରେ ଏକ ଧାର୍ମିକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏହି ବୟାନ ଦେଇଛନ୍ତି। ହିନ୍ଦୁ ଧାର୍ମିକ ଏବଂ ଚାରିଟେବଲ୍ ବୋର୍ଡ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ସିଏମ୍ ଷ୍ଟାଲିନ୍ ଏହି ପରାମର୍ଶ ଦେଇଛନ୍ତି। ଏହା ପୂର୍ବରୁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ମଧ୍ୟ ଜନସଂଖ୍ୟାକୁ ନେଇ ଏପରି ଏକ ବୟାନ ଦେଇଥିଲେ।

ହିନ୍ଦୁ ଧାର୍ମିକ ଓ ଚାରିଟେବଲ୍ ବୋର୍ଡ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ୩୧ ଜଣ ଦମ୍ପତି ବିବାହ କରିଥିଲେ। ସିଏମ୍ ଷ୍ଟାଲିନ୍ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ତାମିଲନାଡୁ ମୁଖ୍ୟମନ୍ତ୍ରୀ କହିଛନ୍ତି, ଅତୀତରେ ବୟସ୍କ ନବବିବାହିତ ଦମ୍ପତିମାନଙ୍କୁ ୧୬ ପ୍ରକାରର ଧନ (ଜ୍ଞାନ, ସମ୍ମାନ, ସାହସ, ସନ୍ତାନ, ଗୋ, ସ୍ବର୍ଣ୍ଣ, ଅନ୍ନ, ରତ୍ନ ଇତ୍ୟାଦି)  ହାସଲ ପାଇଁ ଆଶୀର୍ବାଦ ଦେଉଥିଲେ। କିନ୍ତୁ ବୋଧହୁଏ ଏବେ ୧୬ ପ୍ରକାର ସମ୍ପତ୍ତି ପରିବର୍ତ୍ତେ ୧୬ ଟି ସନ୍ତାନ ଜନ୍ମ କରିବାର ସମୟ ଆସିଛି। ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ରାଜ୍ୟର ମାନବ ସମ୍ବଳ ବିକାଶ ଏବଂ ସାମାଜିକ ନ୍ୟାୟ ମନ୍ତ୍ରୀ ଶେଖର ବାବୁଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ମନ୍ଦିର ସମ୍ବଳ ଏବଂ ସମ୍ପତ୍ତିକୁ ସଂଗଠିତ ଏବଂ ପରିଚାଳନା କରିବା ପାଇଁ ଡିଏମକେ ସରକାରଙ୍କ ପ୍ରୟାସପ୍ରକୃତ ଭକ୍ତମାନେ ପ୍ରଶଂସା କରନ୍ତି । 

ତାମିଲନାଡୁ ମୁଖ୍ୟମନ୍ତ୍ରୀ କହିଛନ୍ତି, ଅତୀତରେ ବୟସ୍କ ନବବିବାହିତ ଦମ୍ପତିମାନଙ୍କୁ ୧୬ ପ୍ରକାରର ଧନ (ଜ୍ଞାନ, ସମ୍ମାନ, ସାହସ, ସନ୍ତାନ, ଗୋ, ସ୍ବର୍ଣ୍ଣ, ଅନ୍ନ, ରତ୍ନ ଇତ୍ୟାଦି)  ହାସଲ ପାଇଁ ଆଶୀର୍ବାଦ ଦେଉଥିଲେ। କିନ୍ତୁ ବୋଧହୁଏ ଏବେ ୧୬ ପ୍ରକାର ସମ୍ପତ୍ତି ପରିବର୍ତ୍ତେ ୧୬ ଟି ସନ୍ତାନ ଜନ୍ମ କରିବାର ସମୟ ଆସିଛି।

ତେବେ ଷ୍ଟାଲିନ କେଉଁ ପ୍ରସଙ୍ଗରେ ସେ ଏହା କହିଛନ୍ତି ତାହା ଜଣାପଡ଼ିନାହିଁ । ହିନ୍ଦୁ ଧାର୍ମିକ ଓ ଚାରିଟେବଲ୍ ବୋର୍ଡ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ସେ ଏହା କହିଥିବାରୁ ସେ ହିନ୍ଦୁମାନଙ୍କ ଜନସଂଖ୍ୟା  ବୃଦ୍ଧି ପାଇଁ କହିଥାଇପାରନ୍ତି । ଅନ୍ୟପକ୍ଷରେ ଦେଶରେ ନିର୍ବାଚନ ମଣ୍ଡଳୀ ସୀମା ନିର୍ଦ୍ଧାରଣ ଆରମ୍ଭ ହେବାକୁ ଯାଉଥିବାରୁ ସେ ତାମିଲନାଡୁର ଜନସଂଖ୍ୟା ବୃଦ୍ଧି ପାଇଁ ପରାମର୍ଶ ଦେଇଥାଇପାରନ୍ତି ବୋଲି ବି କୁହାଯାଉଛି ।