ତୀର୍ଥ ଦର୍ଶନ ନାଁରେ ବୁଲିବାକୁ ଯାଉଛନ୍ତି ବରିଷ୍ଠ ନାଗରିକ, ମନ୍ତ୍ରୀ ଦେଲେ ବିବାଦୀୟ ବୟାନ
ଭୋପାଳ: ବରିଷ୍ଠ ନାଗରିକଙ୍କ ପାଇଁ କରାଯାଉଥିବା ତୀର୍ଥ ଦର୍ଶନ ଯୋଜନାର କୌଣସି ଲାଭ ନାହିଁ, ଏହା ଦ୍ୱାରା କେବଳ ସରକାରୀ ଅର୍ଥର ଅପବ୍ୟୟ ହେଉଛି | ସରକାରଙ୍କ ଏହି ଯୋଜନାରେ ଯାଉଥିବା ବରିଷ୍ଠ ନାଗରିକଙ୍କ ମନରେ କୌଣସି ଭକ୍ତି ଭାବ ନଥିବାବେଳେ କେବଳ ମନୋରଞ୍ଜନ ପାଇଁ ସେମାନେ ବୁଲିବାକୁ ଯାଉଛନ୍ତି | ମଧ୍ୟପ୍ରଦେଶ ସରକାରଙ୍କର ଜଣେ ମନ୍ତ୍ରୀ କିଛି ଏଭଳି ବିବାଦୀୟ ବୟାନ ଦେଇଛନ୍ତି | ଏହି ମନ୍ତ୍ରୀଜଣକ ହେଉଛନ୍ତି ମଧ୍ୟପ୍ରଦେଶର ସମବାୟ ମନ୍ତ୍ରୀ ଗୋବିନ୍ଦ ସିଂହ | ସେ କହିଛନ୍ତି ଯେ ତୀର୍ଥ ଦର୍ଶନ ଯୋଜନାରେ ଯାଉଥିବା ବରିଷ୍ଠ ନାଗରିକମାନଙ୍କର କୌଣସି ଭକ୍ତି ଭାବ ନଥାଏ ବରଂ କେବଳ ମାଗଣାରେ ବୁଲିବା ପାଇଁ ତୀର୍ଥ ସ୍ଥଳକୁ ଯାଉଛନ୍ତି |
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଲୋକ ପରିଶ୍ରମ କରି ଯେଉଁ ଅର୍ଥ ଆୟ କରିବେ ସେଥିରେ ଭଗବାନଙ୍କୁ ଦର୍ଶନ କରିବାକୁ ଗଲେ ସେମାନଙ୍କ ଜୀବନରେ ଖୁସି ଆସିବ | ଏହି ଯୋଜନାରେ ଖର୍ଚ୍ଚ ହେଉଥିବା ଅର୍ଥ ରାଶି ଛାତ୍ରଛାତ୍ରୀଙ୍କ ପାଠପଢ଼ାରେ ଖର୍ଚ୍ଚ କଲେ ଭଲ ହୁଅନ୍ତା | ଯେଉଁ ଯୋଜନାରେ ଲୋକ ବିନା କୌଣସି ଶ୍ରଦ୍ଧାରେ ଯାଉଛନ୍ତି ସେହି ଯୋଜନାର ଲାଭ କଣ ବୋଲି ମନ୍ତ୍ରୀ ପ୍ରଶ୍ନ କରିଛନ୍ତି |
ଭୋଟରଙ୍କୁ କେବଳ ଲୋଭ ଦେବା ପାଇଁ ଏଭଳି ଯୋଜନା କରାଯାଇଛି ବୋଲି ମନ୍ତ୍ରୀ ଗୋବିନ୍ଦ ସିଂହ କହିଛନ୍ତି | ଏଠାରେ ସୂଚନା ଥାଉ କି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ବରିଷ୍ଠ ନାଗରିକଙ୍କୁ ଧାର୍ମିକ ଯାତ୍ରା କରାଇବା ପାଇଁ ଏହି ଯୋଜନା ଆରମ୍ଭ କରିଥିଲେ | ଏହି ଯୋଜନାରେ ମଧ୍ୟପ୍ରଦେଶର ବରିଷ୍ଠ ନାଗରିକମାନେ ରାମେଶ୍ୱରମ, ତିରୁପତି, କାଶୀ ଓ ଦ୍ୱାରିକା ତୀର୍ଥ ସ୍ଥଳୀ ଯିବାର ଯୋଜନା କରାଯାଇଥିଲା |