ଭବାନୀପୁରରେ ମମତାଙ୍କ ବିପକ୍ଷରେ କୌଣସି ପ୍ରାର୍ଥୀ ନ ଦେଉ ବିଜେପି: ଟିଏମସି ନେତା

କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ନନ୍ଦିଗ୍ରାମରେ ବିଜେପିର ଶୁଭେନ୍ଦୁ ଅଧିକାରୀଙ୍କଠାରୁ ନିର୍ବାଚନରେ ​​ହାରିଯିବା ପରେ ଏବେ ଭବାନୀପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଶାସକ ଦଳ ତୃଣମୂଳ କଂଗ୍ରେସ ଦାବି କରିଛି ଯେ ମମତା ବାନାର୍ଜୀ ତାଙ୍କ ପାରମ୍ପରିକ ଆସନରୁ ଏକପାଖିଆ ଭାବେ ନିର୍ବାଚନ ଜିତିବାକୁ ଯାଉଛନ୍ତି। ଟିଏମସି ନେତା ମଦନ ମିତ୍ର ରବିବାର କହିଛନ୍ତି ଯେ ଭବାନୀପୁରରେ ମମତାଙ୍କ ବିରୋଧରେ ବିଜେପି ପ୍ରାର୍ଥୀ ନଦେଲେ ଭଲ ହୁଅନ୍ତା, କାରଣ ପ୍ରାର୍ଥୀ ଦେଲେ ବିଜେପିର ଅଯଥାରେ ଟଙ୍କା ନଷ୍ଟ ହେବ।

ମଦନ ମିତ୍ର କହିଛନ୍ତି ଯେ, ‘ଏଠାରୁ ମମତା ନିଶ୍ଚିତ ଭାବେ ଜିତିବେ | ତେଣୁ ଭବାନୀପୁର ଉପନିର୍ବାଚନରେ ତୁମର ପ୍ରାର୍ଥୀ ଦେଇ ତୁମେ (ବିଜେପି) ଟଙ୍କା ନଷ୍ଟ କର ନାହିଁ। ଏହି ନିର୍ବାଚନ ସମ୍ପୂର୍ଣ୍ଣ ଏକପାଖିଆ’।

ସୂଚନା ଥାଉ କି ନନ୍ଦିଗ୍ରାମରେ ଶୁଭେନ୍ଦୁ ଅଧିକାରୀଙ୍କଠାରୁ ପରାସ୍ତ ହେବା ପରେ ମୁଖ୍ୟମନ୍ତ୍ରୀ ହୋଇଥିବା ମମତା ବାନାର୍ଜୀ ନଭେମ୍ବର ୨ ସୁଦ୍ଧା ବିଧାୟକ ନହେଲେ ତାଙ୍କୁ ମୁଖ୍ୟମନ୍ତ୍ରୀ ପଦ ଛାଡିବାକୁ ପଡ଼ିବ। ମମତା ହାଇକୋର୍ଟରେ ନନ୍ଦିଗ୍ରାମର ନିର୍ବାଚନ ଫଳାଫଳକୁ ଚ୍ୟାଲେଞ୍ଜ କରିଛନ୍ତି, କିନ୍ତୁ ଏହାର ପରବର୍ତ୍ତୀ ଶୁଣାଣି ନଭେମ୍ବର ୧୫ ରେ ହେବ।

ସମ୍ବନ୍ଧିତ ଖବର