ପାଠାଗାରରେ ବିଜେପିର ବୈଠକକୁ ନେଇ ପ୍ରଶ୍ନ ଉଠାଇଲା ଟିଏମସି

କୋଲକାତା: ପାଠାଗାରରେ ବିଜେପିର ବୈଠକକୁ କଡା ବିରୋଧ କରିଛି ତୃଣମୂଳ କଂଗ୍ରେସ | ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପଶ୍ଚିମବଙ୍ଗ ଗସ୍ତରେ ଯାଇଥିବାବେଳେ ଦଳୀୟ ନେତାଙ୍କ ସହ ବୈଠକ କରିବେ | ତେବେ ଏହି ବୈଠକ କୋଲକାତାର ନ୍ୟାସନାଲ ଲାଇବ୍ରେରୀରେ ହେବ | ଆଉ ଏହି ରାଜନୈତିକ ବୈଠକକୁ ନେଇ ଟିଏମସି ଆପତ୍ତି କରିଛି। ନିକଟରେ ବିଜେପିରୁ ଟିଏମସିକୁ ଯାଇଥିବା ଜୟ ପ୍ରକାଶ ମଜୁମଦାର କହିଛନ୍ତି ଯେ ପାଠାଗାରର ନିୟମ ଅନୁଯାୟୀ ଏହାକୁ ରାଜନୈତିକ ଉଦ୍ଦେଶ୍ୟରେ ବ୍ୟବହାର କରାଯାଇପାରିବ ନାହିଁ।

ମଜୁମଦାର ବର୍ତ୍ତମାନ ରାଜ୍ୟରେ ଟିଏମସିର ଉପାଧ୍ୟକ୍ଷ ଥିବାବେଳେ ସେ କହିଛନ୍ତି ଯେ ଏହା କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ଅନୁଷ୍ଠାନ ହୋଇଥିଲେ ବି ବିଜେପି ଏଠାରେ କିଭଳି ବୈଠକ କରୁଛି ? ଏହା ଏକ ଐତିହ ହୋଇଥିବାବେଳେ ଏହାକୁ ସୁରକ୍ଷା ଦେବା ଆବଶ୍ୟକ | ଏହି ଲୋକମାନେ ସାମାଜିକ ସଂଗଠନ ନାମରେ ଏଠାରେ ବୈଠକ କରୁଛନ୍ତି ଏବଂ ପାଠାଗାରର ନିୟମକୁ ଭଙ୍ଗ କରୁଛନ୍ତି |

ସୂଚନା ଥାଉ କି ଆଜି ସନ୍ଧ୍ୟାରେ ଏହି ଲାଇବ୍ରେରୀରେ ବିଜେପି ରାଜ୍ୟ କାର୍ଯ୍ୟନିର୍ବାହୀ ବୈଠକ ହେବାକୁ ଯାଉଛି। କୁହାଯାଉଛି ଯେ ଜେପି ନଡ୍ଡା ମଧ୍ୟ ଏହି ବୈଠକ ମାଧ୍ୟମରେ ପଶ୍ଚିମବଙ୍ଗ ବିଜେପି ନେତାଙ୍କ ମଧ୍ୟରେ ଥିବା ଅସନ୍ତୋଷ ଦୂର କରିବାକୁ ଚେଷ୍ଟା କରିପାରନ୍ତି । ସାଂସଦ ବାବୁଲ ସୁପ୍ରିଓ ଏବଂ ଅର୍ଜୁନ ସିଂ ଦଳ ଛାଡିବା ପରେ ବିଜେପି ଅଧ୍ୟକ୍ଷ ଏହି ବୈଠକ କରୁଛନ୍ତି।