ଶୁଭେନ୍ଦୁ ଯିବା ପରେ ଭାଇରସ ମୁକ୍ତ ହେଲା ଦଳ: ତୃଣମୂଳ କଂଗ୍ରେସ
କୋଲକାତା: କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ଉପସ୍ଥିତିରେ ଆଜି ବିଜେପିରେ ଯୋଗଦାନ କରିଛନ୍ତି ପଶ୍ଚିମବଙ୍ଗ ରାଜନୀତିର ଜଣେ ଜଣାଶୁଣା ତଥା ଲୋକପ୍ରିୟ ନେତା ଶୁଭେନ୍ଦୁ ଅଧିକାରୀ | ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଖାସ କୁହାଯାଉଥିବା ଶୁଭେନ୍ଦୁଙ୍କ ଯୋଗଦାନ ପରେ ତୃଣମୂଳ କଂଗ୍ରେସ ପକ୍ଷରୁ ପ୍ରତିକ୍ରିୟା ସାମ୍ନାକୁ ଆସିଛି |
ପଶ୍ଚିମବଙ୍ଗର ପୂର୍ବତନ ମନ୍ତ୍ରୀ ତଥା ତୃଣମୂଳ କଂଗ୍ରେସ ନେତା ମଦନ ମିତ୍ର କହିଛନ୍ତି ଯେ, “ମୁଁ ଶୁଣିଛି ଯେ ଯେ ଶୁଭେନ୍ଦୁ ଅଧିକାରୀ କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ ଟିଏମସି କିଛି କରି ନାହିଁ। ଯଦି ଟିଏମସି ୧୦ ବର୍ଷରେ କିଛି କରିନଥିଲା ତେବେ ତୁମେ କାହିଁକି ଚୁପ୍ ରହିଲ? ଏହା ଦୁର୍ଭାଗ୍ୟଜନକ | ଟିଏମସି କର୍ମୀଙ୍କ ପାଇଁ ଆଜି ଏକ ଖୁସିର ଦିନ | କାରଣ ଆଜି ଆମେ ଭାଇରସରୁ ମୁକ୍ତ ହୋଇଯାଇଛେ’ |
ମମତା ବାନାର୍ଜୀଙ୍କ ନିକଟତର ଥିବା ଶୁଭେନ୍ଦୁ ଅଧିକାରୀ ଗୃହମନ୍ତ୍ରୀ ଅମିତ ଶାହାଙ୍କ ପଶ୍ଚିମବଙ୍ଗ ଗସ୍ତ ସମୟରେ ବିଜେପିରେ ଯୋଗ ଦେଇ ତୃଣମୂଳ କଂଗ୍ରେସକୁ ଟାର୍ଗେଟ କରିଥିଲେ | ସେ କହିଛନ୍ତି ଯେ ଏହି ନିର୍ବାଚନରେ ବିଜେପି ଏକ ନମ୍ବର ଦଳ ହେବ ଏବଂ ତୃଣମୂଳ କଂଗ୍ରେସ ଦ୍ୱିତୀୟ ସ୍ଥାନକୁ ଖସିଯିବ। ଶୁଭେନ୍ଦୁ ଅଧିକାରୀ କହିଛନ୍ତି ଯେ ପଶ୍ଚିମବଙ୍ଗର ଅର୍ଥନୈତିକ ଅବସ୍ଥା ଅତ୍ୟନ୍ତ ଖରାପ ଏବଂ ଯଦି ପଶ୍ଚିମବଙ୍ଗକୁ ଏଥିରୁ ରକ୍ଷା କରିବାକୁ ପଡିବ, ତେବେ ନରେନ୍ଦ୍ର ମୋଦୀଙ୍କୁ ହାତକୁ ରାଜ୍ୟ ହସ୍ତାନ୍ତର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ’।