ପଶ୍ଚିମବଙ୍ଗ ଉପନିର୍ବାଚନ: ସମସ୍ତ ୪ଟି ଆସନରେ ଟିଏମସି ବିଜୟୀ ହୋଇଥିବା ଦାବି କଲେ ଦିଦି
କୋଲକାତା: ପୁଣି ପଶ୍ଚିମବଙ୍ଗରେ ବାଜି ମାରିଲା ଟିଏମସି। ୪ଟି ଆସନ ପାଇଁ ହୋଇଥିବା ଉପନିର୍ବାଚନରେ ଟିଏମସି ବାଜି ମାରିନେଇଥିବା ଜଣାପଡ଼ିଛି। ମୁଖ୍ୟମନ୍ତ୍ରୀ ମମତା ବାନାର୍ଜୀ ପଶ୍ଚିମବଙ୍ଗର ସମସ୍ତ ଚାରିଟି ଆସନରେ ବିଜୟୀ ହୋଇଥିବା ନେଇ ଟ୍ବିଟ କରି ଦାବି କରିଛନ୍ତି।
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଟ୍ବିଟ କରି ସମସ୍ତ ପ୍ରାର୍ଥୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି ଯେ, ଏହି ବିଜୟ ଲୋକଙ୍କ ବିଜୟ। ଏହା ଦର୍ଶାଉଛି ଯେ, ପଶ୍ଚିମବଙ୍ଗବାସୀ ପ୍ରଚାର ଏବଂ ଘୃଣା ରାଜନୀତି ଅପେକ୍ଷା ବିକାଶ ଏବଂ ଏକତାକୁ ବାଛିଛନ୍ତି। ଲୋକଙ୍କ ଆଶୀର୍ବାଦ ସହିତ ଆମେ ପଶ୍ଚିମବଙ୍ଗକୁ ବିକାଶ ପଥରେ ନେବାକୁ ପ୍ରତିଜ୍ଞା କରୁଛୁ।
My heartiest congratulations to all the four winning candidates!
This victory is people’s victory, as it shows how Bengal will always choose development and unity over propaganda and hate politics. With people’s blessings, we promise to continue taking Bengal to greater heights!
— Mamata Banerjee (@MamataOfficial) November 2, 2021
କଡା ସୁରକ୍ଷା ମଧ୍ୟରେ ଖରଦା, ଶାନ୍ତିପୁର, ଗୋସାବା ଏବଂ ଦିନ୍ହାଟାରେ ସକାଳ ୮ଟାରୁ ଭୋଟ୍ ଗଣନା ଆରମ୍ଭ ହୋଇଥିଲା। ଏହି ୪ଟି ଆସନରେ ଥିବା ଟିଏମସି ପ୍ରାର୍ଥୀ ବିଜେପି ପ୍ରାର୍ଥୀଙ୍କଠାରୁ ଖୁବ ଆଗରେ ଥିବା ଜଣାପଡ଼ିଛି। ଭୋଟ ବ୍ୟବଧାନ ବଢ଼ିବା ସହ ଟିଏମସି ପୁଣି ବିଜେପିକୁ ମାତ୍ ଦେଇଛି।