କୋଲକାତା: ପଶ୍ଚିମବଙ୍ଗରେ ୨୦୨୧ରେ ହେବାକୁ ଥିବାବେଳେ ବିଧାନସଭା ନିର୍ବାଚନ ପାଇଁ ଆଧୁନିକ ହେବ ତୃଣମୂଳ କଂଗ୍ରେସ |ଟିଏମସି ସୁପ୍ରିମୋ ମମତା ବାନାର୍ଜୀ ଏଥିପାଇଁ ଅଣ୍ଟା ଭିଡିଛନ୍ତି | ମମତା ନିର୍ବାଚନ ପୂର୍ବରୁ ଜନସମ୍ପର୍କ ଅଭିଯାନ ନେଇ ଘୋଷଣା କରିଛନ୍ତି | ମମତା କହିଛନ୍ତି ଯେ ଟିଏମସି ୧୦ ହଜାର ଗାଁକୁ ଯିବ | ମମତା କହିଛନ୍ତି ଯେ ଦଳ ଏବେ କୌଣସି ପ୍ରକାରର ନିର୍ବାଚନ ପ୍ରଚାର କରିବ ନାହିଁ ବରଂ ଲୋକଙ୍କ ସମସ୍ୟାକୁ ସମାଧାନ କରାଯିବ |
Sambad is now on WhatsApp
Join and get latest news updates delivered to you via WhatsApp
ମମତାଙ୍କ ଯୋଜନା ଅନୁସାରେ ଆଗାମୀ ୧୦୦ ଦିନ ମଧ୍ୟରେ ୧୦୦୦ ଜଣ ପ୍ରତିନିଧି ବିଭିନ୍ନ ଗାଁକୁ ଯାଇ ଲୋକଙ୍କର ଅସୁବିଧାକୁ ଶୁଣିବେ | ପ୍ରତିନିଧିମାନେ କର୍ମୀଙ୍କ ଘରେ ଖାଦ୍ୟ ଖାଇବା ସହ ସେଠାରେ ରହି ଲୋକଙ୍କ ସମସ୍ୟାକୁ ଶୁଣିବେ | ସେହିପରି ମମତା କହିଛନ୍ତି ଯେ ଦଳକୁ ଆଧୁନିକ କରିବାର ଆବଶ୍ୟକତା ରହିଛି | ଲୋକଙ୍କ ସହ ସମ୍ପର୍କ ବୃଦ୍ଧି ପାଇଁ ସବୁପ୍ରକାରର ବ୍ୟବସ୍ଥା କରାଯିବ | ଏହି ଅବସରରେ ବିଜେପି ଉପରେ ବର୍ଷିଛନ୍ତି ମମତା |
ସେ କହିଛନ୍ତି ଯେ ସବୁ ଦଳ ବିଜେପି ଭଳି ନୁହନ୍ତି ତାଙ୍କ ଦଳ ବହୁତ ଗରିବ ହୋଇଥିବାରୁ ସେ ନିର୍ବାଚନ ପ୍ରକ୍ରିୟାରେ ପରିବର୍ତ୍ତନ ପାଇଁ ଦାବି କରୁଛନ୍ତି | ପୂର୍ବରୁ ମମତା ଅଭିଯୋଗ କରିଥିଲେ ଯେ ଲୋକସଭା ନିର୍ବାଚନରେ ବିଜେପି କେନ୍ଦ୍ରୀୟ ସୁରକ୍ଷା ବଳ, ନିର୍ବାଚନ କମିଶନ ଓ ଅର୍ଥବଳ ସହାୟତାରେ ସଫଳତା ହାସଲ କରିଛି |