ଶ୍ରୀନଗର: କଶ୍ମୀରର ସୁରକ୍ଷା ବାହିନୀ ତଥା ସାଧାରଣ ନାଗରିକଙ୍କ ଉପରେ ହୋଇଥିବା ଅନେକ ଆକ୍ରମଣରେ ସମ୍ପୃକ୍ତ ଥିବା ଲସ୍କର-ଇ-ତୋଇବାର କମାଣ୍ଡର ନାଦିମ ଅବରାରକୁ ଆଜି ଗିରଫ କରିଛି ଜମ୍ମୁ-କଶ୍ମୀରର ସୁରକ୍ଷା ବାହିନୀ । ଏନେଇ କଶ୍ମୀର ଜୋନ ପୁଲିସ ପକ୍ଷରୁ ଟୁଇଟ କରି ସୂଚନା ଦିଆଯାଇଛି |

Advertisment

ଟୁଇଟରେ ଲେଖାଯାଇଛି ଯେ, ଟପ ଲସ୍କର-ଇ-ତୋଇବା କମାଣ୍ଡର ନାଦିମ ଅବରର ଗିରଫ | ସେ ଅନେକ ହତ୍ୟାରେ ସମ୍ପୃକ୍ତ ଥିଲା। ଆମ ପାଇଁ ଏହା ଏକ ବଡ ସଫଳତା ବୋଲି ଲେଖିଛନ୍ତି କାଶ୍ମୀର ଜୋନର ଆଇଜିପି ବିଜୟ କୁମାର | ଶ୍ରୀ କୁମାର ଗିରଫ ସମ୍ପର୍କରେ କୌଣସି ସୂଚନା ଦେଇ ନ ଥିବାବେଳେ ସୂତ୍ରରୁ ପ୍ରକାଶ ଯେ ସୁରକ୍ଷା ବାହିନୀ ଅବରାର ଏବଂ ଅନ୍ୟ ଜଣେ ସନ୍ଦିଗ୍ଧଙ୍କୁ ସହରର ଉପକଣ୍ଠରେ ଥିବା ପରିମପୋରାର ଏକ ଚେକପଏଣ୍ଟରୁ ଗିରଫ କରିଛି । ଗିରଫ ପରେ ସୁରକ୍ଷା ବାହିନୀ ଉଭୟଙ୍କ ନିକଟରୁ ପିସ୍ତଲ ଏବଂ ଗ୍ରେନେଡ ଜବତ କରିଛନ୍ତି।

ପୁଲିସର ସୂଚନାନୁସାରେ, ଚଳିତ ବର୍ଷ ଆରମ୍ଭରେ କଶ୍ମୀରର ଲାଓପୋରାରେ ତିନିଜଣ ସେଣ୍ଟ୍ରାଲ ରିଜର୍ଭ ପୁଲିସ ଫୋର୍ସ (ସିଆରପିଏଫ) କର୍ମଚାରୀଙ୍କ ହତ୍ୟାରେ ଅବରାର ସମ୍ପୃକ୍ତ ଥିଲା।