ଗେଟୱେ ଅଫ୍ ଇଣ୍ଡିଆ ଦେଖି ପାରିବେନି ପର୍ଯ୍ୟଟକ!: ଏହା ହେଉଛି ବଡ଼ କାରଣ

ମୁମ୍ବାଇ: ମୁମ୍ବାଇ ପରିଦର୍ଶନ କରୁଥିବା ପର୍ଯ୍ୟଟକଙ୍କ ପାଇଁ ଖରାପ ଖବର ହେଉଛି ଯେ ସେମାନେ ରବିବାର ଦିନ ଗେଟୱେ ଅଫ୍ ଇଣ୍ଡିଆ ପରିଦର୍ଶନ କରିପାରିବେ ନାହିଁ। ଏହି ପର୍ଯ୍ୟଟନ ସ୍ଥାନ ରବିବାର ଦିନ ଲୋକଙ୍କ ପାଇଁ ବନ୍ଦ ରହିଛି। ରବିବାର ପୂର୍ବାହ୍ନ ୧୦ଟାଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ପର୍ଯ୍ୟଟନ ପାଇଁ ଗେଟୱେ ଅଫ୍ ଇଣ୍ଡିଆ ଖୋଲା ରହିବ ନାହିଁ। ଏହାର କାରଣ ହେଉଛି ମହାବିକା ଅଘାଡି (ଏମଭିଏ)ର 'ଜୁତେ ମାରୋ' ଆନ୍ଦୋଳନ।

କିଛି ଦିନ ତଳେ ସିନ୍ଧୁଦୁର୍ଗରେ ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଭୁଶୁଡ଼ି ପଡିବା କାରଣରୁ ମହାରାଷ୍ଟ୍ରର ରାଜନୀତି ତୀବ୍ର ହୋଇଛି। ରବିବାର ସେପ୍ଟେମ୍ବର ୧ ଦିନ ଗେଟୱେ ଅଫ୍ ଇଣ୍ଡିଆର ପର୍ଯ୍ୟନ୍ତ ରାଜ୍ୟର ବିରୋଧୀ ଦଳ ମହାବିକାଶ ଅଘାଡି ଏହି ପ୍ରସଙ୍ଗରେ ଆନ୍ଦୋଳନ ଡାକରା ଦେଇଛି। 

ଆନ୍ଦୋଳନକୁ ଦୃଷ୍ଟିରେ ରଖି ଏହି ଅଞ୍ଚଳରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି। ଏଭଳି ପରିସ୍ଥିତିରେ ପର୍ଯ୍ୟଟକଙ୍କ ପାଇଁ ଏହି ଐତିହାସିକ ସ୍ଥାନ ଗୋଟିଏ ଦିନ ପାଇଁ ବନ୍ଦ ରହିଛି। ଫଳରେ ମୁମ୍ବାଇକୁ ଆସୁଥିବା ପ୍ରତ୍ୟେକ ପର୍ଯ୍ୟଟକ ଗେଟୱେ ଅଫ୍ ଇଣ୍ଡିଆ ନ ଦେଖି ଫେରିବେ।

ଏହି ସ୍ଥାନ ମୁମ୍ବାଇ ପର୍ଯ୍ୟଟନର ସବୁଠାରୁ ବଡ ଅଂଶ, ଯେଉଁଠାରେ ପ୍ରତିଦିନ ହଜାର ହଜାର ଲୋକ ଏକତ୍ରିତ ହୋଇଥାନ୍ତି। ରବିବାର ଦିନ ଛୁଟି ଥିବାରୁ ଏହି ଭିଡ଼ ଦ୍ୱିଗୁଣିତ ହୋଇଥାଏ। ତେବେ ପର୍ଯ୍ୟଟକଙ୍କ ପାଇଁ ସେପ୍ଟେମ୍ବର ୧ ରବିବାର ପାଇଁ ଗେଟୱେ ଅଫ୍ ଇଣ୍ଡିଆ ବନ୍ଦ ରହିଛି। 

ସୂଚନା ପାଇଁ, ହୁତାତ୍ମା ଚୌକ୍ ଠାରୁ ଗେଟୱେ ଅଫ୍ ଇଣ୍ଡିଆ ପର୍ଯ୍ୟନ୍ତ ବିକ୍ଷୋଭ ପ୍ରଦର୍ଶନ କରାଯିବା ସମୟରେ ହିଂସା ହେବାର ସମ୍ଭାବନାକୁ ଦୃଷ୍ଟିରେ ରଖି ସହରରେ ପୋଲିସ ଏବଂ ଅନ୍ୟ ସୁରକ୍ଷା କର୍ମୀ ନିୟୋଜିତ ହୋଇଛନ୍ତି। 

 ମହାବିକାଶ ଅଘାଡିର 'ଜୁତେ ମାରୋ' ଆନ୍ଦୋଳନକୁ ପୁଲିସ୍‌ର ଅନୁମତି ମିଳିନାହିଁ। ମହାବିକାଶ ଅଘାଡିର ନେତାମାନେ ପୁଲିସ୍‌ର ଅନୁମତିକୁ ଅପେକ୍ଷା କରିଛନ୍ତି। ତେବେ ଯୋଜନା ଅନୁଯାୟୀ ଅନୁମତି ନ ମିଳିବା ସତ୍ତ୍ବେ ରବିବାର ମହାବିକାଶ ଅଘାଡି ନିଜର କାର୍ଯ୍ୟକ୍ରମ ଜାରି ରଖିବ। ଏବଂ ଶାସକ ଦଳ ବିରୋଧରେ ପ୍ରଦର୍ଶନ କରିବ।

ଅଧିକ ପଢ଼ନ୍ତୁ: # ମି ଠୁ: ନଗ୍ନ ଫଟୋ ଉଠାଇଥିବା ଅଭିଯୋଗରେ ଫିଲ୍ମଶିଳ୍ପରେ ଝଡ଼

ସୂଚନାଯୋଗ୍ୟ, ଶନିବାର ଅପରାହ୍ନରେ ଉଦ୍ଧବ ଠାକରେ ଦଳର ନେତା ସାଂସଦ ଅରବିନ୍ଦ ସାୱନ୍ତ ପୋଲିସ କମିଶନରଙ୍କୁ ଭେଟିଥିଲେ । ଅରବିନ୍ଦ ସାୱନ୍ତଙ୍କୁ କୁହାଯାଇଛି, ପୋଲିସ ଅଧିକାରୀମାନେ ଏକ ବୈଠକ କରିବେ ଏବଂ ଅନୁମତି ସମ୍ପର୍କରେ ନିଷ୍ପତ୍ତି ନେବେ। 

ଅଧିକ ପଢ଼ନ୍ତୁ: ପାର୍ବଣଋତୁରେ ବିମାନ ଭଡ଼ା କମିବ! ଇନ୍ଧନ ଦରରେ ବଡ଼ ହ୍ରାସ