ପାକିସ୍ତାନ ପରେ ବାଂଲାଦେଶ ଉପରେ ନଜର ପକାଇଲା ଭାରତ

ନୂଆଦିଲ୍ଲୀ : ପାକିସ୍ତାନକୁ ପାନେ ଦେବା ପରେ ଏବେ ବାଂଲାଦେଶ ଉପରେ ନଜର ପକାଇଛି ଭାରତ । ପାକିସ୍ତାନ ସହ ଘନିଷ୍ଠତା ବଢାଇ ଭାରତ ବିରୋଧରେ ବିଷୋଦଗାର କରିଚାଲିଥିଲା ବାଂଲାଦେଶ ଶାସନକୁ କବଜା କରିଥିବା ୟୁନୁସ୍ ଗୋଷ୍ଠୀ । ଏପରିକି ଭାରତର ଚିକେନ ନେକକୁ କବଜା କରିବାକୁ ଓ ଭାରତର ଉତ୍ତରପୂର୍ବାଞ୍ଚଳ ରାଜ୍ୟମାନଙ୍କୁ ଅଲଗା କରିବାକୁ ଧମକ ଦେଉଥିଲା ବାଂଲାଦେଶ ।

ଏବେ ଭାରତ ସରକାର ବାଂଲାଦେଶର ଅର୍ଥନୀତି ଉପରେ ମାଡ଼ କରିଛନ୍ତି ।  ବାଂଲାଦେଶରୁ ରେଡିମେଡ୍ ପୋଷାକ, ପ୍ରକ୍ରିୟାକୃତ ଖାଦ୍ୟ ଏବଂ ଅନ୍ୟାନ୍ୟ ସାମଗ୍ରୀ ଆମଦାନୀ ଉପରେ ବନ୍ଦର କଟକଣା ଲାଗୁ କରିଛି ଭାରତ। ବାଣିଜ୍ୟ ମନ୍ତ୍ରଣାଳୟର ବୈଦେଶିକ ବାଣିଜ୍ୟ ମହାନିର୍ଦ୍ଦେଶାଳୟ (ଡିଜିଏଫଟି) ଏ ସମ୍ପର୍କରେ ଏକ ବିଜ୍ଞପ୍ତି ଜାରି କରିଛି। ଆପଣଙ୍କୁ ଜଣାଇ ଦେଉଛୁ ଯେ ଡିଜିଏଫଟି ହେଉଛି ଭାରତରେ ବୈଦେଶିକ ବାଣିଜ୍ୟ ନୀତି ପ୍ରସ୍ତୁତ ଏବଂ କାର୍ଯ୍ୟକାରୀ କରିବା ପାଇଁ ଦାୟୀ ସରକାରୀ ସଂସ୍ଥା। ତେବେ ଏହି କଟକଣା ଭାରତ ଦେଇ ଭୁଟାନ ଓ ନେପାଳକୁ ଯାଉଥିବା ସାମଗ୍ରୀ ଉପରେ ଲାଗୁ ହେବ ନାହିଁ ।