ଲଦାଖ ସମସ୍ୟା ସମାଧାନ ନହେବା ପର୍ଯ୍ୟନ୍ତ ଚୀନ୍ ସହ ବ୍ୟବସାୟ ସମ୍ଭବ ନୁହେଁ
ନୂଆଦିଲ୍ଲୀ: ଲଦାଖ ସମସ୍ୟା ସମାଧାନ ନହେବା ପର୍ଯ୍ୟନ୍ତ ଚୀନ୍ ସହ ବ୍ୟବସାୟ ସମ୍ଭବ ନୁହେଁ ବୋଲି ଭାରତ ସ୍ପଷ୍ଟ କରିଛି। ଜାପାନ ପ୍ରଧାନମନ୍ତ୍ରୀ ଫୁମିଓ କୁସିଦାଙ୍କ ଭାରତ ଗସ୍ତ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ନୂଆଦିଲ୍ଲୀର ହାଇଦ୍ରାବାଦ ହାଉସରେ ଅନୁଷ୍ଠିତ ଆଲୋଚନା ବେଳେ ଭାରତର ବୈଦେଶିକ ସଚିବ ହର୍ସବର୍ଦ୍ଧନ ଶ୍ରୀଙ୍ଗଲା ଏହା କହିଛନ୍ତି। ଚଳିତବର୍ଷ ଶେଷରେ ଚାଇନାରେ ବ୍ରକ୍ସ ସମ୍ମିଳନୀ ଅନୁଷ୍ଠିତ ହେବ। ଦିନକ ପରେ ଦ୍ବିପାକ୍ଷିକ କଥାବାର୍ତ୍ତାକୁ ସୁଦୃଢ଼ କରିବା ସହ ସମ୍ମିଳନୀ ସଂକ୍ରାନ୍ତୀୟ ଆଲୋଚନା ପାଇଁ ବେଜିଂ ପକ୍ଷରୁ ପ୍ରସ୍ତାବ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଏଥିରେ ଏହା ସ୍ପଷ୍ଟ କରି ଦିଆଯିବ ବୋଲି ଶ୍ରୀ ଶ୍ରୀଙ୍ଗଲା କହିଛନ୍ତି। ସୀମାରେ ସବୁବେଳେ ସୈନ୍ୟ ଠୁଳ କରିବା ଦ୍ବାରା ବାତାବରଣ ଅଶାନ୍ତ ହେଉଛି। ଦୁଇ ଦେଶର ପ୍ରଧାନମନ୍ତ୍ରୀଙ୍କ ଆଲୋଚନା ବେଳେ ଉକ୍ତ ପ୍ରସଙ୍ଗ ଉଠାଇ ଭାରତ ପକ୍ଷରୁ ଏହା କୁହାଯାଇଛି। ସେ କହିଛନ୍ତି, ଆମେ ଏହା ମଧ୍ୟ ସ୍ପଷ୍ଟ କରିଛୁ ଯେ ଯେପର୍ଯ୍ୟନ୍ତ ସୀମା ଅଞ୍ଚଳରେ ଶାନ୍ତି ଏବଂ ଶାନ୍ତି ସହ ଜଡିତ ସମସ୍ୟାର ସମାଧାନ ନହୁଏ ସେପର୍ଯ୍ୟନ୍ତ ଆମେ ସମ୍ପର୍କକୁ ପୂର୍ବପରି ବ୍ୟବସାୟ ବୋଲି ବିଚାର କରିପାରିବୁ ନାହିଁ। ସମ୍ପର୍କର ସ୍ୱାଭାବିକତା ଉକ୍ତ ପ୍ରସଙ୍ଗଗୁଡ଼ିକର ଅଗ୍ରଗତି ଉପରେ ନିର୍ଭର କରେ।
ଚାଇନାର ରାଜ୍ୟ ପରିଷଦ ବୈଦେଶିକ ମନ୍ତ୍ରୀ ୱାଙ୍ଗ ୟିଙ୍କ ଏହି ମାସ ଆରମ୍ଭରେ ଭାରତ ଗସ୍ତ ପାଇଁ ପ୍ରସ୍ତାବ ଦେଇଛି। ପରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କରଙ୍କ ଏକ ପାରସ୍ପରିକ ଗସ୍ତ ହେବ। ଚୀନ୍ର ମୂଳ ଉଦ୍ଦେଶ୍ୟ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ବ୍ୟକ୍ତିଗତ ବ୍ରିକ୍ସ ସମ୍ମିଳନୀ ଆୟୋଜନ କରିବ। ଯେଉଁଥିରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ମଧ୍ୟ ଯୋଗଦେବେ। ସାମ୍ପ୍ରତିକ ପରିସ୍ଥିତିରେ, ମୋଦୀଙ୍କ ସହ ୟିଙ୍କ ବ୍ୟକ୍ତିଗତ ବୈଠକରେ ଯୋଗଦେବା ରାଜନୈତିକ ଦୃଷ୍ଟିରୁ କଷ୍ଟସାଧ୍ୟ। ସୀମା ବିବାଦ ସମାଧାନ ନହେବା ପର୍ଯ୍ୟନ୍ତ ଏହା ଅସମ୍ଭବ ବୋଲି କୁହାଯାଇଛି।