ସଫା ରଖନ୍ତୁ ଗାଡିର ନମ୍ବର ପ୍ଲେଟ: କାଦୁଅ ଲାଗିଥିଲେ ଦେବେ ଫାଇନ
ନୂଆଦିଲ୍ଲୀ: ଆପଣଙ୍କ ଗାଡିର ନମ୍ବର ପ୍ଲେଟରେ କାଦୁଅ ଲାଗି ଏହା ଦୃଶ୍ୟମାନ ହେଉ ନାହିଁ କି? ଯଦି ହଁ ତେବେ ତୁରନ୍ତ ଗାଡିର ନମ୍ବର ପ୍ଲେଟକୁ ସଫା କରିଦିଅନ୍ତୁ | ଯେଭଳି ଏହା ସମସ୍ତଙ୍କୁ ଦୃଶ୍ୟମାନ ହେବ ସେଥିପ୍ରତି ନଜର ରଖନ୍ତୁ | କାରଣ ଆପଣଙ୍କ ଗାଡିର କାଗଜପତ୍ର ଠିକ ଥିଲେ ବି ଯଦି ନମ୍ବର ପ୍ଲେଟ କାଦୁଅ ଯୋଗୁଁ ଦୃଶ୍ୟମାନ ହେଉନାହିଁ, ତେବେ ଫାଇନ ଦେବାକୁ ପଡିପାରେ | ସୂଚନା ମୁତାବକ ଯଦି ଆପଣଙ୍କର ନମ୍ବର ପ୍ଲେଟରେ କୌଣସି ପ୍ରକାରର ମଇଳା କିମ୍ବା ମାଟି ଲାଗିଥାଏ, ତେବେ ଏହାକୁ ତ୍ରୁଟିପୂର୍ଣ୍ଣ ନମ୍ବର ପ୍ଲେଟ୍ ଭାବରେ ବିବେଚନା କରାଯିବ ଏବଂ ଆପଣଙ୍କୁ ୨୦୦୦ ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡିବ |
Sambad is now on WhatsApp
Join and get latest news updates delivered to you via WhatsApp
ନମ୍ବର ପ୍ଲେଟ୍ ବ୍ୟତୀତ, ଯଦି ଆପଣଙ୍କର ଗାଡି ଡକ୍ୟୁମେଣ୍ଟରେ କୌଣସି ତ୍ରୁଟି ଥାଏ, ତେବେ ଏଥିପାଇଁ ପୃଥକ ଭାବରେ ଚାଲାଣ କଟାଯିବ | ଦିଲ୍ଲୀ ପୁଲିସର ସ୍ୱତନ୍ତ୍ର କମିଶନର (ଟ୍ରାଫିକ) ମୁକେଶ ଚାନ୍ଦର ଏ ବିଷୟରେ ସୂଚନା ଦେଇଛନ୍ତି। ଚାନ୍ଦରଙ୍କ କହିବା ଅନୁଯାୟୀ, ଟ୍ରାଫିକ୍ ପୁଲିସର ନଜରରୁ ବର୍ତ୍ତିବା ପାଇଁ କିଛି ବ୍ୟକ୍ତି ଗାଡିର ନମ୍ବର ପ୍ଳେଟକୁ ଲୁଚାଇଦେଇଥାନ୍ତି | ନମ୍ବର ପ୍ଲେଟଗୁଡ଼ିକୁ ଲୁଚାଇ ଦିଲ୍ଲୀରେ ବିଭିନ୍ନ ଅପରାଧ କରିବା ପରେ ଅପରାଧୀ ଫେରାର ହୋଇଯାଆନ୍ତି |
ବର୍ତ୍ତମାନ କିଛି ଘଟଣାରେ ଅପରାଧୀମାନେ ବ୍ୟବହାର କରୁଥିବା ଗାଡିର ନମ୍ବର ପ୍ଲେଟରେ କାଦୁଅ ଲଗାଇ ଏହାକୁ ଲୁଚାଇ ଦେଉଛନ୍ତି | ଆଉ ଅପରାଧ କଲେ ବି ନମ୍ବର ପ୍ଲେଟ ଦୃଶ୍ୟମାନ ହେଉନଥିବାରୁ ସେମାନଙ୍କୁ ଧରାଯାଇପାରୁନାହିଁ | ତେଣୁ ଏବେ ଦିଲ୍ଲୀ ଟ୍ରାଫିକ ପୁଲିସ ସେହି ସବୁ ଗାଡି ଉପରେ ନଜର ରଖିଛି ଯାହାର ନମ୍ବର ପ୍ଲେଟ ଦୃଶ୍ୟମାନ ହେଉନାହିଁ | ଏହିପରି ଗାଡି ଧରିବା ପରେ ସେମାନଙ୍କ ବିରୋଧରେ ତ୍ରୁଟିପୂର୍ଣ୍ଣ ନମ୍ବର ପ୍ଲେଟର ଜରିମାନା ଲାଗୁ କରାଯିବ ଏବଂ ଏହି ନମ୍ବର ପ୍ଲେଟରେ ଦୁଇ ହଜାର ଟଙ୍କା ପର୍ଯ୍ୟନ୍ତ ଚାଲାଣ କଟାଯିବ।