ଥମୁନାହିଁ ଦୁର୍ଘଟଣା: ପୁଣି ବନ୍ଦେ ଭାରତ ଟ୍ରେନ ସହ ଧକ୍କା ହେଲା ଷଣ୍ଢ, ସମ୍ମୁଖ ଭାଗ କ୍ଷତିଗ୍ରସ୍ତ
ଅହମ୍ମଦାବାଦ: କିଛି ସପ୍ତାହର ଅନ୍ତରାଳ ପରେ ପୁଣି ବନ୍ଦେ ଭାରତ ଏକ୍ସପ୍ରେସ ଦୁର୍ଘଟଣାର ସମ୍ମୁଖୀନ ହୋଇଛି | ଏଥର ଏକ ଷଣ୍ଢ ଟ୍ରେନ ସହ ଧକ୍କା ହେବାରୁ ଟ୍ରେନର ସମ୍ମୁଖ ଭାଗ ଭାଙ୍ଗି ଯାଇଥିଲା। ଅଧିକାରୀଙ୍କ କହିବାନୁସାରେ, ଏହି ଟ୍ରେନ ଶନିବାର ଦିନ ମୁମ୍ବାଇ-ସେଣ୍ଟ୍ରାଲରୁ ଗୁଜୁରାଟର ଗାନ୍ଧିନଗର ଅଭିମୁଖେ ଯାଉଥିଲା। ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ଯେଉଁଥିରେ ଟ୍ରେନର ଆଗ ଭାଗ ନଷ୍ଟ ହୋଇଯାଇଛି | ସନ୍ଧ୍ୟା ସୁଦ୍ଧା ଏହାକୁ ଠିକ କରାଯିବ ବୋଲି ଆଶା କରାଯାଉଛି। ଏହି ଘଟଣାରେ ଷଣ୍ଢର ମୃତ୍ୟୁ ଘଟିଛି। ପଶ୍ଚିମ ରେଳବାଇର ମୁଖ୍ୟ ଜନସମ୍ପର୍କ ଅଧିକାରୀ ସୁମିତ ଠାକୁର ଏକ ବିବୃତ୍ତିରେ କହିଛନ୍ତି ଯେ ଏହି ଟ୍ରେନ ମୁମ୍ବାଇ ସେଣ୍ଟ୍ରାଲରୁ ଗାନ୍ଧିନଗର ଅଭିମୁଖେ ଯାଉଥିଲା।
Sambad is now on WhatsApp
Join and get latest news updates delivered to you via WhatsApp
ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ସକାଳ ପ୍ରାୟ ୮: ୧୭ରେ ଏହି ଦୁର୍ଘଟଣା ଘଟିଛି | ଏହି ଘଟଣା ପରେ ପ୍ରାୟ ୧୫ ମିନିଟ୍ ପାଇଁ ଟ୍ରେନ୍ ଅଟକି ରହିଥିଲା। ଯଦିଓ ଟ୍ରେନର ବିଶେଷ କ୍ଷତି ହୋଇନାହିଁ, କେବଳ ଆଗ ଭାଗ ଭାଙ୍ଗି ଯାଇଛି | ଅଧିକାରୀମାନେ କହିଛନ୍ତି ଯେ ପଶ୍ଚିମ ରେଳବାଇ ମୁମ୍ବାଇ ସେଣ୍ଟ୍ରାଲ ଷ୍ଟେସନରେ ଇଞ୍ଜିନର ଭଙ୍ଗା ଅଂଶକୁ ମରାମତି କରିବାକୁ ନିର୍ଦ୍ଦେଶ ଦେଇଛି, ଯାହା ସନ୍ଧ୍ୟା ସୁଦ୍ଧା କରାଯିବ। ଅକ୍ଟୋବର ପ୍ରଥମ ସପ୍ତାହରେ ଦୁଇଟି ସମାନ ଘଟଣା ଘଟିଥିଲା | ଏହାପୂର୍ବରୁ ଉଭୟ ମାମଲାରେ ବନ୍ଦ ଭାରତ ଏକ୍ସପ୍ରେସ ଗୋରୁ ସହ ମୁହାଁମୁହିଁ ଧକ୍କା ହେବା ଘଟଣା ସାମ୍ନାକୁ ଆସିଥିଲା। ପଶ୍ଚିମ ରେଳବାଇର ଅଧିକାରୀମାନେ କହିଛନ୍ତି ଯେ ଦହାନୁ ରୋଡ ଷ୍ଟେସନ ପରେ ରେଳବାଇରେ ବ୍ୟାରିକେଡ୍ ନ ଥିବାରୁ ଗୋରୁମାନେ ଟ୍ରାକରେ ପ୍ରବେଶ କରୁଛନ୍ତି। ତେବେ ଭବିଷ୍ୟତରେ ଏଭଳି ଘଟଣାକୁ ରୋକିବା ପାଇଁ ସେମାନେ ସମସ୍ତ ପଦକ୍ଷେପ ନେଉଛନ୍ତି ବୋଲି ପଶ୍ଚିମ ରେଳ ଅଧିକାରୀ କହିଛନ୍ତି।