୫୫ ଲକ୍ଷ ଟଙ୍କାର ସୁପାରି ଦେଇ କିନ୍ନର ଗୋଷ୍ଠୀର ନେତ୍ରୀଙ୍କୁ ହତ୍ୟା କଲେ ଆଉ ୪ କିନ୍ନର
ନୂଆଦିଲ୍ଲୀ: ନିଜ ରାସ୍ତାରେ ପ୍ରତିବନ୍ଧକ ସାଜୁଥିବା ଶତ୍ରୁଙ୍କୁ ମାରିବା ପାଇଁ ଦେଲେ ୫୫ ଲକ୍ଷ ଟଙ୍କାର ସୁପାରି | ତେବେ ଆପଣ ଭାବିବେ ଏଥିରେ ନୂଆ କଥା କଣ ଅଛି | କଥାଟି ହେଉଛି ଯେ ଦୁଇ କିନ୍ନର ଗୋଷ୍ଠୀଙ୍କ ମଧ୍ୟରେ କଳହ ଏତେ ବଢିଗଲା ଯେ ଗୋଟିଏ ଗୋଷ୍ଠୀ ଏତେ ଟଙ୍କାର ସୁପାରି ଦେଇ ଅନ୍ୟ ଗୋଷ୍ଠୀର ନେତ୍ରୀଙ୍କୁ ହତ୍ୟା କରିଛି | ଦିଲ୍ଲୀ ପୁଲିସର ସ୍ପେଶାଲ ସେଲ ଦୁଇ ଜଣ ସୁପାରି କିଲରଙ୍କୁ ଗିରଫ କରିବା ପରେ ଦିଲ୍ଲୀର ଏକ ହାଇପ୍ରୋଫାଇଲ ହତ୍ୟାକାଣ୍ଡ ଉପରୁ ପରଦା ଉଠିଛି | ମିଳିଥିବା ସୂଚନା ମୁତବକ ଦିଲ୍ଲୀ ପୁଲିସ ଆଜି ଗଗନ ପଣ୍ଡିତ ଓ ବରୁଣ ପଣ୍ଡିତ ନାମକ ଦୁଇ ଜଣ ସୁପାରି କିଲରଙ୍କୁ ଗିରଫ କରିଛି | ଏହି ଦୁଇ ଜଣଙ୍କ ନାମରେ ୧ ଲକ୍ଷ ଟଙ୍କା ପୁରସ୍କାର ରାଶି ମଧ୍ୟ ଥିଲା |
Sambad is now on WhatsApp
Join and get latest news updates delivered to you via WhatsApp
ସ୍ପେଶାଲ ସେଲ ଡିସିପି ପ୍ରମୋଦ କୁଶବହାଙ୍କ ସୂଚନା ମୁତାବକ ସେପ୍ଟେମ୍ବର ୫, ୨୦୨୦ ମସିହାରେ ଏହି ଦୁଇ ଜଣ ଏକତା ଯୋଶୀ ନାମକ କିନ୍ନରଙ୍କୁ ଗୁଳି ମାରି ହତ୍ୟା କରିଥିଲେ | ତେବେ ଏହି ହତ୍ୟାକାଣ୍ଡ ପାଇଁ ୫୫ ଲକ୍ଷ ଟଙ୍କାର ସୁପାରି ମିଳିଥିଲା |
ତେବେ ସୁପାରି କିଲରଙ୍କ କହିବା ମୁତାବକ ଏକତାଙ୍କୁ ହତ୍ୟା କରିବା ପାଇଁ ଅନ୍ୟ ଏକ କିନ୍ନର ଗୋଷ୍ଠୀ ଏହି ସୁପାରି ଦେଇଥିଲା | ଫରିଦାବାଦରେ ରହୁଥିବା ୪ ଜଣ କିନ୍ନର ସୋନମ, ବର୍ଷା, ମଂଜୁର ଓ କମଲ, କିନ୍ନର ଏକତା ଯୋଶୀଙ୍କୁ ହତ୍ୟା କରିବା ପାଇଁ ସୁପାରି ଦେଇଥିଲେ | ଯମୁନାପାର ଅଂଚଳରୁ ଟଙ୍କା ଆଦାୟକୁ ନେଇ ୪ ଜଣ କିନ୍ନରଙ୍କ ସହ ଏକତାଙ୍କର ଯୁକ୍ତିତର୍କ ହୋଇଥିଲା | ଆଉ ଏଥିରେ ଉତକ୍ଷିପ୍ତ ହୋଇ ଏମାନେ ହତ୍ୟା କରିବାକୁ ସୁପାରି ଦେଇଥିଲେ |