ଶିବସେନାକୁ ଅଧା ଆସନ ନ ମିଳିଲେ ମେଣ୍ଟ ଭାଙ୍ଗିଯିବ ବୋଲି କହିଲେ ମହାରାଷ୍ଟ୍ରର ପରିବହନ ମନ୍ତ୍ରୀ
ମୁମ୍ବାଇ: ଗତ ଲୋକସଭା ନିର୍ବାଚନରେ ମହାରାଷ୍ଟ୍ରରେ ବିଜେପି-ଶିବସେନା ମେଣ୍ଟକୁ ବିପୁଳ ସଫଳତା ମିଳିବା ପରେ ମହାରାଷ୍ଟ୍ରର ଆଗାମୀ ବିଧାନସଭା ନିର୍ବାଚନରେ ବି ଏହି ଦୁଇ ଦଳ ଭିତରେ ମେଣ୍ଟ ହେବ ବୋଲି ଆଲୋଚନା ହେଉଛି। କିନ୍ତୁ ଶିବସେନା ଓ ବିଜେପି ମଧ୍ୟରେ ସବୁ ଠିକ୍ ନଥିବା କୁହାଯାଉଛି। ଉଭୟ ଦଳ ମଧ୍ୟରେ ମତାନ୍ତର ଥିବା ଚର୍ଚ୍ଚା ହେଉଛି।
Sambad is now on WhatsApp
Join and get latest news updates delivered to you via WhatsApp
ଶିବସେନା ନେତା ତଥା ମହାରାଷ୍ଟ୍ରର ପରିବହନ ମନ୍ତ୍ରୀ ଦିବାକର ରାଓତେ କହିଛନ୍ତି ଯେ, ଯଦି ଶିବସେନାକୁ ଅଧା ଆସନ ଅର୍ଥାତ ୧୪୪ଟି ଆସନ ନ ମିଳେ ତେବେ ଦୁଇଦଳ ମଧ୍ୟରେ ମେଣ୍ଟ ଭାଙ୍ଗିଯିବ। ଅପରପକ୍ଷରେ ଶିବସେନା ମୁଖପାତ୍ର ତଥା ରାଜ୍ୟସଭା ସାଂସଦ ସଞ୍ଜୟ ରାଓ୍ୱତ କହିଛନ୍ତି ଯେ, ବିଜେପି ୫୦:୫୦ ଫର୍ମୁଲାକୁ ସମ୍ମାନ ଦେବା ଦରକାର । ସେ ଆହୁରି ମଧ୍ୟ କହିଛନ୍ତି ଯେ, ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଏବଂ ମହାରାଷ୍ଟ୍ର ମୁଖମନ୍ତ୍ରୀ ଦେବେନ୍ଦ୍ର ଫଡ଼ନବିସଙ୍କ ଉପସ୍ଥିତିରେ ଯେଉଁ ୫୦:୫୦ ଫର୍ମୁଲା ସ୍ଥିର ହୋଇଥିଲା ତାକୁ ବିଜେପି ମାନିଲେ ବିଜେପି-ଶିବସେନା ମେଣ୍ଟ ଭାଙ୍ଗିବ ନାହିଁ ।ଦିବାକର ରାବତେ ଯାହା କହିଛନ୍ତି ତାହା ମଧ୍ୟ କିଛି ଭୁଲ ନୁହେଁ ।
ସୂଚନାଯୋଗ୍ୟ, କିଛି ଦିନତଳେ ଶିବସେନା ମୁଖ୍ୟ ଉଦ୍ଧବ ଠାକରେ କହିଥିଲେ ଯେ ଆଗାମୀ ବିଧାନସଭା ନିର୍ବାଚନ ମହାରାଷ୍ଟ୍ରରେ ବିଜେପି-ଶିବସେନା ମେଣ୍ଟ ହେବ। ସେ କହିଥିଲେ ଯେ,ଦୁଇ ଦଳ ମଧ୍ୟରେ ମେଣ୍ଟ ଅଟଳ ରହିଛି ।