କେନ୍ଦ୍ରୀୟ ବାହିନୀ ଓ ନିର୍ବାଚନ କମିଶନଙ୍କୁ ନେଇ ତୃଣମୂଳ ପ୍ରାର୍ଥୀଙ୍କ ମନ୍ତବ୍ୟକୁ ନେଇ ତେଜିିଲା ବିବାଦ

କୋଲକାତା: ମାଲଦା ଉତ୍ତର ଆସନରୁ ତୃଣମୂଳ କଂଗ୍ରେସର ଲୋକସଭା ପ୍ରାର୍ଥୀ ପ୍ରସୁନ୍‌ ବାନାର୍ଜୀ ନିର୍ବାଚନ ସମୟରେ କାହାକୁ ଭୟଭୀତ ନ କରିବାକୁ କେନ୍ଦ୍ରୀୟ ବାହିନୀ ଓ ନିର୍ବାଚନ କମିସନଙ୍କୁ ଚେତାବନୀ ଦେବା ପରେ ବିବାଦ ସୃଷ୍ଟି ହୋଇଛି।

ପୂର୍ବତନ ଆଇପିଏସ୍‌ ଅଧିକାରୀ ପ୍ରସୁନ୍‌ ବାନାର୍ଜୀ ମାଲଦାରେ ଏକ ରାଲିକୁ ସମ୍ବୋଧିତ କରି କହିଛନ୍ତି, ‘ମୁଁ ସମସ୍ତ ବିଏସଏଫ ଏବଂ ଅର୍ଦ୍ଧସାମରିକ ବାହିନୀକୁ ଆଇନ ଭିତରେ ରହିବାକୁ କହୁଛି। ଆମେ ମଧ୍ୟ ଆଇନ ଭିତରେ ରହିବୁ। ନିର୍ବାଚନ ଅବାଧ ଓ ନିରପେକ୍ଷ ହେଉ। ଯଦି ଅର୍ଦ୍ଧସାମରିକ ବାହିନୀ ଭୋଟରଙ୍କୁ ଭୟଭୀତ କରିବାକୁ ଚେଷ୍ଟା କରେ, ତେବେ ମୁଁ ଏଠାରେ ଅଛି’।

ପ୍ରସୁନ ବାନାର୍ଜୀ କହିଛନ୍ତି ଯେ ନିର୍ବାଚନ କମିସନ ଅଧିକାରୀମାନଙ୍କୁ ଅବହେଳା କରାଯିବା ଉଚିତ ନୁହେଁ ଏବଂ ସେମାନଙ୍କୁ ସମ୍ମାନ ଦିଆଯିବା ଉଚିତ୍‌। ନିର୍ବାଚନ କମିସନ (ଅଧିକାରୀ)ଙ୍କୁ ସ୍କୁଲରେ ବସାଇ ରଖିବା ଉଚିତ। ସେମାନଙ୍କୁ ପାଣି ଦିଅନ୍ତୁ। ସେମାନଙ୍କୁ ଅବହେଳା କରନ୍ତୁ ନାହିଁ।

ଧମକପୂର୍ଣ୍ଣ କଣ୍ଠରେ ସେ କହିଛନ୍ତି, ‘କେବଳ କୁହନ୍ତୁ ପ୍ରସୁନ୍‌ ବାନାର୍ଜୀ ଖେଳିବାକୁ ଆସିଛନ୍ତି। ବୁଟ୍‌ କିମ୍ବା ଏକେ-୪୭ ପାଇଁ କୌଣସି ବ୍ୟବହାର ନାହିଁ। କେବଳ କୁହନ୍ତୁ ମୁଁ ପ୍ରସୁନ ବାନାର୍ଜୀଙ୍କୁ ଫୋନ୍‌ କରୁଛି ଏବଂ ସେ ଅଧ ଘଣ୍ଟା ମଧ୍ୟରେ ଆସିବେ। ସେ ତୁମ୍ଭମାନଙ୍କୁ ସମସ୍ତ ନିୟମ ବୁଝାଇଦେବେ। ପର୍ଯ୍ୟବେକ୍ଷକ ସବୁ କିଛି ବୁଝିବେ’।

ଶେଷରେ ସେ ‘ଖେଲା ହୋବେ’ (ଖେଳ ହେବ) ବୋଲି କହିଥିଲେ।

ଉଲ୍ଲେଖଯୋଗ୍ୟ, ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ଦ୍ୱାରା ପ୍ରାର୍ଥୀ ହୋଇଥିବା ୪୨ ଲୋକସଭା ପ୍ରାର୍ଥୀଙ୍କ ମଧ୍ୟରେ ପ୍ରସୁନ ବାନାର୍ଜୀ ମଧ୍ୟ ଅଛନ୍ତି।