ନୂଆଦିଲ୍ଲୀ: ଆମେରିକା ମହାକାଶ ଏଜେନ୍ସି ନାସା ଭାରତୀୟ ମୂଳର ଇଣ୍ଟର୍ନ ପ୍ରତିମା ରାୟଙ୍କ ହିନ୍ଦୁ ଦେବା-ଦେବୀଙ୍କ ସହିତ ଏକ ଫଟୋ ଟୁଇଟ କରିଥିଲା। ଯାହାକୁ ନେଇ ବିବାଦ ଆରମ୍ଭ ହୋଇଯାଇଛି। ନାସା ଦୁନିଆର ଲୋକଙ୍କୁ ଇଣ୍ଟର୍ନସିପ ଆବେଦନ ମାଗିବା ପାଇଁ ଏକ ଟୁଇଟ କରିଥିଲା।
Sambad is now on WhatsApp
Join and get latest news updates delivered to you via WhatsApp
ତେବେ ଏହି ଟୁଇଟରେ ଅନେକ ଇଣ୍ଟର୍ନଙ୍କ ଫଟୋ ରହିଥିବା ବେଳେ ଭାରତୀୟ ମୂଳର ଇଣ୍ଟର୍ନ ପ୍ରତିମା ରାୟଙ୍କ ସେୟାର ହୋଇଥିବା ଫଟୋରେ ହିନ୍ଦୁ ଦେବା-ଦେବୀଙ୍କ ଫଟୋ ଥିବା ଦେଖିବାକୁ ମିଳିଥିଲା। ଏହାକୁ ନେଇ କିଛି ବୁଦ୍ଧିଜୀବୀ ନାସା ଓ ପ୍ରତିମାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଛନ୍ତି।
ଏଥିସହିତ ଏହି ଫଟୋକୁ ଦେଖିବା ପରେ ଲୋକେ ନାସାର ବୈଜ୍ଞାନିକମାନଙ୍କ ଚିନ୍ତାଧାରକୁ ନେଇ ବି ପ୍ରଶ୍ନ ଉଠାଇଛନ୍ତି। ଏମିତି ବି ଅନେକ ଲୋକ ଅଛନ୍ତି ଯେଉଁମାନେ କହିଛନ୍ତି କି, ନିଜର ଧର୍ମକୁ ନିଷ୍ଠାର ସହ ପାଳନ କରିବାରେ କ’ଣ ଅସୁବିଧା ରହିଛି।
Today’s the day: applications for fall NASA internships are due!
Are you ready? Visit @NASAInterns and apply at: https://t.co/s69uwyR1LJ pic.twitter.com/CVwFJGYbms
— NASA (@NASA) July 9, 2021
ଏହି ଫଟୋକୁ ନେଇ ସୋସିଆଲ ମିଡିଆରେ ଏକ ନୂଆ ବିବାଦ ସୃଷ୍ଟି ହୋଇଛି। କେତେକ ସୋସିଆଲ ମିଡିଆ ବ୍ୟବହାରକାରୀ ଏହି ଫଟୋର ମଜାକ ବି ଉଡାଇଛନ୍ତି।
ସେହିପରି ଆଉ ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି, ତାଙ୍କୁ ଖୁସି ହେଉଛି କି ପ୍ରତିମା ଗର୍ବର ସହ ନିଜ ଧର୍ମକୁ ଦେଖାଇଛନ୍ତି।
ନାସା ସେୟାର କରିଥିବା ଫଟୋରେ ପ୍ରତିମା ରାୟ ଦେବୀ ସ୍ବରସ୍ବତୀ, ଦେବୀ ଦୁର୍ଗା, ଭଗବାନ ରାମ-ସୀତାଙ୍କ ମୂର୍ତ୍ତି ଓ ଫଟୋ ସହିତ ବସିଥିବା ଦେଖିବାକୁ ମିଳୁଛି। ସେଠାରେ ଏକ ଶିବଲିଙ୍ଗ ବି ରଖାଯାଇଛି। ପ୍ରତିମାଙ୍କ ପାଖରେ ଏକ ଲ୍ୟାପଟପ ବି ରଖାଯାଇଛି ଯେଉଁଥିରେ ନାସାର ଲୋଗ ଥିବା ଦେଖିବାକୁ ମିଳୁଛି। ପ୍ରତିମା ପିନ୍ଧିଥିବା ପୋଷାକରେ ବି ନାସାର ଲୋଗ ରହିଥିବା ନଜରକୁ ଆସିଛି।