ଶାହାଙ୍କ ସୁରକ୍ଷାରେ ବିଭ୍ରାଟ: କେନ୍ଦ୍ର ଗୃହମନ୍ତ୍ରୀଙ୍କ କାରକେଡ଼ରେ କାର ପୁରାଇଲେ ଟିଆରଏସ ନେତା
ହାଇଦ୍ରାବାଦ: କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ସୁରକ୍ଷା ବ୍ୟବସ୍ଥାରେ ବିଭ୍ରାଟ କରିବାକୁ ଉଦ୍ୟମ କରିଛନ୍ତି ଟିଆରଏସ(ତେଲେଙ୍ଗାନା ରାଷ୍ଟ୍ର ସମିତି) ନେତା | ତେଲେଙ୍ଗାନାର ହାଇଦ୍ରାବାଦ ଗସ୍ତକୁ ଯାଇଥିବା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସୁରକ୍ଷାରେ ଆଜି ଏକ ବଡ଼ ଧରଣର ବିଭ୍ରାଟ ମାମଲା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି କେନ୍ଦ୍ର ମନ୍ତ୍ରୀଙ୍କ କାରକେଡ଼ ସମ୍ମୁଖରେ ତାଙ୍କ କାରକୁ ଅଟକାଇଥିଲେ। ଏହା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଏହା ପରେ ଗୃହମନ୍ତ୍ରୀଙ୍କ ସୁରକ୍ଷା ପାଇଁ ନିୟୋଜିତ ସୁରକ୍ଷା ବାହିନୀ ସେହି କାରକୁ ସେଠାରୁ ହଟାଇ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଟିଆରଏସ ନେତା ଗୋସୁଲା ଶ୍ରୀନିବାସ ହାଇଦ୍ରାବାଦରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ କାରକେଡ ସମ୍ମୁଖରେ ତାଙ୍କ କାର ପାର୍କିଂ କରିଥିଲେ। ଏହାକୁ ଦେଖି ଗୃହମନ୍ତ୍ରୀଙ୍କ ସୁରକ୍ଷା ଦଳ କାରକୁ ସେଠାରୁ ହଟାଇ ଦେଇଥିଲେ। ଅନ୍ୟପଟେ ଶ୍ରୀନିବାସ କହିଛନ୍ତି ଯେ ‘ମୋ କାରକୁ ଅଟକାଇବା ଦେଖି ମୁଁ ଟେନସନରେ ପଡିଯାଇଥିଲି | ମୁଁ ପୁଲିସ ଅଧିକାରୀଙ୍କ ନିକଟରେ ଅଭିଯୋଗ କରିବି। ସେମାନେ ମୋ କାରକୁ ଭଙ୍ଗାରୁଜା କରିଥିଲେ’।
ସୂଚନା ଥାଉ କି ଯେ ଶନିବାର ଦିନ ‘ହାଇଦ୍ରାବାଦ ମୁକ୍ତି ଦିବସ’ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଗୃହମନ୍ତ୍ରୀ ଶାହା ଯୋଗ ଦେଇଥିଲେ। ଏହି ସମୟରେ ସେ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ଶ୍ରେୟ ଦେଇଥିଲେ। ଭୋଟ୍ ବ୍ୟାଙ୍କ ରାଜନୀତି ହେତୁ ମୁକ୍ତି ଦିବସ ପାଳନ କରିବାର ପ୍ରତିଶ୍ରୁତି ଦେଇ ପାଳନ କରୁଥିବା ଲୋକଙ୍କୁ ସେ ଟାର୍ଗେଟ କରିଥିଲେ। ଶାହା କହିଥିଲେ ଯେ ଯଦି ସର୍ଦ୍ଦାର ପଟେଲ ନଥାନ୍ତେ ତେବେ ହାଇଦ୍ରାବାଦକୁ ମୁକ୍ତ କରିବାକୁ ଆହୁରି ଅନେକ ବର୍ଷ ଲାଗିଥାନ୍ତା। ସେ କହିଛନ୍ତି ଯେ ପଟେଲ ଜାଣିଥିଲେ ଯେ ଯଦି ନିଜାମଙ୍କ ସେନାବାହିନୀକୁ ପରାସ୍ତ ନ କରାଯାଏ, ତେବେ ଅଖଣ୍ଡ ଭାରତର ସ୍ୱପ୍ନ ସାକାର ହେବ ନାହିଁ।