ଟ୍ରକକୁ ପିଟିଲା ବୋଲେରୋ: ପରିବାରର ୧୦ ମୃତ

ନୂଆଦିଲ୍ଲୀ: ଛତିଶଗଡର ଧାମତାରି ଜିଲ୍ଲାରେ ବୁଧବାର ବିଳମ୍ବିତ ରାତିରେ ଏକ ବଡ଼ ଦୁର୍ଘଟଣା ଘଟିଛି। ଜାଗତରା ନିକଟ କାନକେର ଜାତୀୟ ରାଜପଥ ଉପରେ ଏକ ଟ୍ରକକୁ ବୋଲୋରୋ ପିଟି ହେବା ଫଳରେ ଗୋଟିଏ ପରିବାରର ୧୦ଜଣଙ୍କ ମୃତ୍ୟୁ ହୋଇଛି। ଘଟଣା ପରେ ଟ୍ରକ ଡ୍ରାଇଭର ଫେରାର ହୋଇଯାଇଥିବାରୁ ପୁଲିସ ତାଙ୍କୁ ଖୋଜୁଛି।

ବାଲୋଡ ଏସପି ଜିତେନ୍ଦ୍ର କୁମାର ଯାଦବଙ୍କ କହିବାନୁଯାୟୀ ଉକ୍ତ ପରିବାର ସୋରାମରୁ ମାର୍କୋତୋଲାକୁ ଏକ ବୋଲେରୋରେ କୌଣସି କାମରେ ଯାଉଥିବାବେଳେ ଏହି ଦୁର୍ଘଟଣା ଘଟିଛି। ଆହତମାନଙ୍କୁ ନିକଟସ୍ଥ ରାୟପୁର ହସପିଟାଲରେ ଭର୍ତ୍ତି କରାଯାଇ ତଦନ୍ତ ଜାରି ରହିଛି। ଏହି ଘଟଣାରେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲ ଗଭୀର ଦୁଃଖ ପ୍ରକାଶ କରିବା ସହ ଆହତମାନଙ୍କ ଆରୋଗ୍ୟ କାମନା କରିଛନ୍ତି।